Sayt test holatida ishlamoqda!
27 Aprel, 2026   |   9 Zulqa`da, 1447
search icon
Avvalgi sayt
ЎЗ РУ EN AR

Toshkent shahri
Tong
03:59
Quyosh
05:26
Peshin
12:26
Asr
17:14
Shom
19:20
Xufton
20:41
Bismillah
27 Aprel, 2026, 9 Zulqa`da, 1447
Avvalgi sayt
#search
 YouTube

Saharlik sunnatdir

11.05.2019   35761   1 min.
Saharlik sunnatdir

Sahar payti turib, kunduzi ro‘za tutish niyatida yeb-ichish saharlikdir. Saharlik qilish mustahabdir. Payg‘ambarimiz sollallohu alayhi va sallam saharlik qilishga ko‘p targ‘ib etganlar. Bir o‘rinda saharlikning barakasi, fazilatini  eslatib: “Saharlik qiling, saharlikda baraka bor”, degan bo‘lsalar (Muttafaqun alayh), boshqa bir o‘rinda: “Alloh taolo va Uning farishtalari saharlik qiluvchilarga rahmat tilab, duo qiladi”, deganlar (Tabaroniy va Ibn Hibbon rivoyati).

Hatto qorni to‘q, biror narsa yeyishga u qadar ehtiyoji yo‘q kishi ham hech qursa suv ichib olishi yaxshidir. Bu bilan u sunnatga ergashgan bo‘ladi.

Payg‘ambarimiz ro‘zani saharlik qilmay, ulab tutishdan qaytarganlar. Ammo saharlik qila olmagan kishi subhi sodiqdan to quyosh botguncha hech narsa yeb-ichmay ro‘za tutsa, ro‘zasi durust bo‘laveradi.

Saharlikni tongga yaqin qilish afzal. Faqat tong kirib qolgungacha kechiktirmaslik kerak. Chunki subhi sodiq kirishi bilan saharlik vaqti tugab, ro‘za vaqti boshlanadi. Saharlikni vaqti o‘tib ketganiga gumon qilinadigan paytga qadar kechiktirish taxrimiy makruh sanaladi (“Fatovoi Hindiya”).

Saharlik qilib bo‘lgach: “Navaytu an asuma sovma shahri Ramazona minal fajri ilal mag‘ribi, xolisan lillahi ta’ala. Allohu akbar”, deb duo qilinadi.

Ma’nosi: Ramazon oyining ro‘zasini xolis Alloh uchun subhdan kun botgungacha tutishni niyat qildim. Alloh Buyukdir.

Alloh taolo tutayotgan ro‘zalarimizni dargohida qabul qilsin!

Orif TOLIB

Ramazon-2019
Boshqa maqolalar

Abu Bakr roziyallohu anhuning Rasululloh ﷺga muhabbatlari: 3-qism

23.04.2026   9092   1 min.
Abu Bakr roziyallohu anhuning Rasululloh ﷺga muhabbatlari: 3-qism

Rasululloh sollallohu alayhi vasallam betobliklarida hazrat Abu Bakr roziyallohu anhuga imom bo‘lib, mehrobda namozga o‘tib berishni buyurdilar. Abu Bakr jamoat bilan namozni boshlaganlarida masjidga Payg‘ambarimiz sollallohu alayhi va sallam ham kirib kelib, namozga qo‘shildilar. Nabiy Akram sollallohu alayhi vasallam kelganlarini payqagan jamoat qo‘l silkib, hazrat Abu Bakr roziyallohu anhuni ogohlantirmoqchi bo‘lishdi. Hazrat Abu Bakr roziyallohu anhu namozni davom ettiraverdilar. Shunday qilishlari ham kerak edi. Alloh taologa ibodat etuvchi har bir kishi yon-atrofga qaramasligi, boshqa narsalarga chalg‘imasligi lozim. Ammo qo‘l siltashlar to‘xtamagach, Payg‘ambarimiz sollallohu alayhi va sallam kelganlarini fahmladilar.

Yuzlarini qibladan burmagan holda ortga tisarila boshladilar. Birinchi safga kelganlarida Rasuli Muhtaram sollallohu alayhi va sallam oldinga siljib, namozni davom ettirdilar. Salom berilgandan so‘ng jamoaga yuzlandilar. Namozda qo‘l ko‘tarish ayollarga xos xususiyat ekanligini, agarda imomga biror narsani bildirish kerak bo‘lsa,"Subhanalloh" deb ovoz berish kerakligini aytdilar. Keyin: "Ey Abu Bakr, senga ishora qilsam ham nima uchun joyingda turib, namozni davom ettiravermading?" deya so‘radilar. Hazrat Abu Bakr roziyallohu anhu: "Abu Quhofaning o‘g‘liga Rasululloh sollallohu alayhi va sallamning oldilarida namoz o‘qish yarashmaydi", deb javob berdilar.

 

Shayx Zulfiqor Ahmad Naqshbandiyning
"Ishqi Rasul" kitobidan Nodirjon Odinayev tarjimasi