Sahobalarning sifatlari
Abdulloh ibn Abu Quhofa — Abu Bakr Siddiq (O‘ta tasdiqlovchi) roziyallohu anhu.
*****
Umar ibn Xattob roziyallohu anhu — Foruq (Haq bilan botil orasini ajratuvchi).
*****
Usmon ibn Affon roziyallohu anhu — Zunnurayn (Ikki nur sohibi).
*****
Ali ibn Abu Tolib roziyallohu anhu — Imom (Yo‘lboshchi, yetakchi).
*****
Abu Ubayda ibn Jarroh roziyallohu anhu — Amiynul umma (Ummatning ishonchli kishisi).
*****
Ja’far ibn Abu Tolib roziyallohu anhu — Abul Masokiyn (Miskinlarning otasi).
*****
Hamza ibn Abdulmuttalib roziyallohu anhu — Asadulloh (Allohning arsloni).
*****
Zubayr ibn Avvom roziyallohu anhu — Havoriyur Rosul (Rasululloh sollallohu alayhi vasallamning havoriysi).
*****
Mus’ab ibn Umayr roziyallohu anhu — Safiyrul Islam (Islom elchisi).
*****
Abdulloh ibn Mas’ud roziyallohu anhu — Tarjumanul Qur’an (Qur’on tarjimoni).
*****
Bilol ibn Raboh roziyallohu anhu — Muazzinur Rosul (Rasululloh sollallohu alayhi vasallamning muazzini).
*****
Huzayfa ibn Yamon roziyallohu anhu — Sohibu sirrir Rosul (Rasululloh sollallohu alayhi vasallamning sirlarining sohibi).
*****
Amr ibn Oss roziyallohu anhu — Dohiyatul Islam (Islom dohiysi, siyosatchisi).
*****
Muoviya ibn Abu Sufyon roziyallohu anhu — Katibu vahyir Rosul (Rasululloh sollallohu alayhi vasallamning vahiy kotiblari).
*****
Zayd ibn Horisa roziyallohu anhu — Hibbu Rosulillah (Rasululloh sollallohu alayhi vasallamning dildan yaxshi ko‘rgan kishisi).
*****
Abdulloh ibn Abbos roziyallohu anhu — Tarjumanul Qur’an (Qur’on tarjimoni).
*****
Hasson ibn Sobit roziyallohu anhu — Sha’irur Rosul (Rasululloh sollallohu alayhi vasallamning shoirlari).
*****
Xolid ibn Valid roziyallohu anhu – Sayfulloh (Allohning qilichi).
Internet ma’lumotlaridan Nozimjon Iminjonov tarjimasi
Shahrisabzdagi "Oq masjid" jomesining yangi binosi qurilishi boshlandi
Qashqadaryo viloyati Shahrisabz tumanidagi «Oq masjid» jome masjidining yangi binosi poydevoriga ilk g‘isht qo‘yish marosimi bo‘lib o‘tdi.
Xayrli tadbirda O‘zbekiston musulmonlari idorasining Qashqadaryo viloyatidagi vakili, viloyat bosh imom-xatibi Rahmatillo domla Usmonov, tuman imom-xatiblari, mahalla faollari va ko‘p sonli namozxonlar ishtirok etdi.
Yig‘ilganlar mazkur ezgu tashabbusning bardavom bo‘lishini, qurilish ishlarining ko‘ngildagidek, bexatar va tez fursatlarda yakunlanishini tilab, Alloh taolodan xayr-baraka so‘rab duolar qildilar.
Ta’kidlanganidek, yangi bino qad rostlashi natijasida hudud aholisi va masjid qavmi uchun yanada keng, qulay va zamonaviy sharoitlar yaratiladi.
Shuningdek, masjid qurilishiga xolis hissa qo‘shayotgan barcha saxovatpesha yurtdoshlarimiz hamda quruvchi-mutaxassislar haqqiga ezgu duolar qilindi.
O‘zbekiston musulmonlari idorasi
Matbuot xizmati
