Sayt test holatida ishlamoqda!
23 Iyul, 2026   |   9 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:32
Quyosh
05:04
Peshin
12:35
Asr
17:37
Shom
19:53
Xufton
21:23
Bismillah
23 Iyul, 2026, 9 Safar, 1448
Avvalgi sayt
#search
 YouTube

Hech bir holatda kanda qilmang

18.02.2019   21803   3 min.
Hech bir holatda kanda qilmang

«Insonga zarar yetganda, yotgan holda, yo o‘tirib yoki tik turib ham Bizga iltijo qiladi. Undan zararini ketkazganimizda esa, go‘yo yetgan zararidan Bizga duo qilmagandek ketaveradi. Mana shu tarzda isrofchi (tajovuzkor)larga o‘z qilmishlari ziynatli (chiroyli) qilib qo‘yildi» (Yunus, 12).

«Insonga zarar yetganda, yotgan holda, yo o‘tirib yoki tik turib ham Bizga iltijo qiladi…»
Abu Lays Samarqandiy tafsirida: “Agar bandaga kasallik, kambag‘allik va balo kabi yomon ko‘radigan narsalari tegsa, banda yotgan holida ham Allohga iltijo qiladi. Kasali yengilroq bo‘lsa o‘tirgan holida duo qiladi, agar kasalligidan asorati qolgan bo‘lsa, yurib turganda ham duo qiladi”, degan.

Mahmud Zamaxshariy oyat tafsirida: «Bu oyatda duo qiluvchining uch holatini aytib o‘tishdan nima foyda deyilsa, men aytamanki, buning ma’nosi “Zarar ko‘rgan inson toki o‘sha zarari yo‘qolmaguncha Yaratganga duoyu iltijo qilishdan to‘xtamaydi. U bizga har qanaqa holatida ham, tura olmay yotib qolganda, tik tura olmay o‘tirib qolganda yoki tik tura oladi-yu, ammo yurishga toqati yo‘q bo‘lsa va ba’zisi esa to‘shakka “mix­lanib” qolib yotganda ham duo qilaveradi. Bu bilan banda o‘ziga yengillik va sog‘liq so‘raydi va musibatni o‘zidan daf qilishga harakat qiladi».

«Undan zararini ketkazganimizda esa, go‘yo yetgan zararidan Bizga duo qilmagandek ketaveradi. Mana shu tarzda isrofchilarga o‘z qilmishlari ziynatli qilib qo‘yildi».
Faxriddin Roziy tafsirida bunday deyiladi: “Bu oyatda balo, musibat tushganda inson sabrsiz bo‘lishi, rohat-farog‘atda bo‘lganda oz shukr qilishi bayon qilingan. Agar inson boshiga biror tashvish tushsa, uni o‘zidan uzoqlashtirishini, musibatni ne’matga almashtirishini Alloh taolodan so‘rab jiddu jahd bilan turib, o‘tirib, yotib zorlanib duo qiladi. Agar Alloh undan musibatni daf etib omonlik va ofiyat bersa, shukrdan yuz o‘giradi. Boshiga tushgan u musibatni eslamaydi va ne’matlar qadrini bilmaydi. Xuddi boshiga tushgan musibatni ketkazish uchun duo qilmagan insondek bo‘lib oladi. Aqlli inson balo-musibatga sabr qilishi, huzur-halovat va ne’matlarga erishganda shukr qilishi vojib bo‘ladi. Kishi qiyinchilik vaqtida duosi qabul bo‘lishi uchun rohat-farog‘atda bo‘lgan vaqtida ko‘p zorlanishi va duo qilishi kerak.

Abdulloh ibn Abbos (roziyallohu anhu)dan rivoyat qilinadi: «Nabiy (sollallohu alayhi va sallam) dedilar: “Xursandchilik kunlarida Allohni tanisang, qiyin kunlarda Alloh seni taniydi”» (Hokim, Naysaburiy).
Abu Dardo (roziyallohu anhu): “Alloh taologa xursandchilik kun­laringda duo qilgin, qiyin kunlaringda qilgan
duoingni qabul qiladi”, dedilar.

Suhayb (roziyallohu anhu)dan rivoyat qilinadi: «Rasululloh (sollallohu alayhi va sallam) bunday deganlar: “Mo‘min kishining holiga ajablanasan. Alloh unga nimani qazo qilsa, yaxshilik bo‘ladi. Agar unga g‘am yetsa, sabr qiladi, bu unga yaxshilik bo‘ladi. Agar unga xursandchilik yetsa shukr qiladi, bu ham unga yaxshilik bo‘ladi. Bu holat mo‘mindan boshqaga bo‘lmaydi”» (Imom Muslim).


Abu Mansur Moturidiy, Abu Lays Samarqandiy,
Mahmud Zamaxshariy, Ibn Kasir,
Olusiy va Qurtubiy tafsirlari asosida
Badriddin SADRIDDIN o‘g‘li
tayyorladi.

Boshqa maqolalar
Yangiliklar

Abituriyentlar diqqatiga: Bugun diniy ta’lim muassasalariga hujjat qabuli yakunlanadi

20.07.2026   10386   3 min.
Abituriyentlar diqqatiga: Bugun diniy ta’lim muassasalariga hujjat qabuli yakunlanadi

Bugun, 20 iyul kuni soat 18:00 da O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun hujjat topshirish jarayonlari yakunlanadi.  


Ma’lumot o‘rnida, 30 iyundan e’tiboran respublikamizdagi quyidagi oliy va o‘rta maxsus diniy ta’lim muassasalariga abituriyentlardan hujjatlar qabul qilinmoqda:

  • Imom Buxoriy nomidagi Toshkent islom instituti (Bakalavriat, Magistratura va Modul ta’lim tizimi);

  • Mir Arab oliy madrasasi;

  • Hadis ilmi maktabi;

  • Imom Termiziy nomidagi islom instituti;

  • Barcha o‘rta maxsus islom ta’lim muassasalari.

Eslatma: Hujjat qabuli bugun soat 18:00 gacha davom etadi. Muhlat tugashiga oz vaqt qolganini inobatga olib, abituriyentlardan hujjat topshirish jarayonini kechiktirmasliklarini so‘rab qolamiz!


Abituriyentlar uchun qulaylik

Abituriyentlar o‘zlariga eng yaqin joylashgan diniy ta’lim muassasasining Qabul hay’ati orqali respublikadagi istalgan diniy ta’lim muassasasiga hujjat topshirishlari mumkin.


Talab qilinadigan asosiy hujjatlar ro‘yxati:

1. Bakalavriat bosqichi uchun:

  • Muassasa rektori nomiga ariza;

  • Pasport yoki ID karta nusxasi (asli ko‘rsatiladi);

  • O‘rta maxsus islom ta’lim muassasasini tamomlaganligi haqida diplom va ilovasi nusxasi (asli ko‘rsatiladi);

  • 3,5 x 4,5 hajmdagi 6 dona rangli fotosurat (oq fonda, oxirgi 3 oyda olingan). (Xorijiy diniy ta’lim muassasasini tugatgan va nostrifikatsiyadan o‘tgan diplomga ega O‘zR fuqarolari ham topshirishlari mumkin).

2. O‘rta maxsus islom ta’lim muassasalari uchun:

  • Muassasa rahbari nomiga ariza;

  • Pasport yoki ID karta nusxasi (asli ko‘rsatiladi);

  • Attestat yoki diplom nusxasi (asli ko‘rsatiladi);

  • 3,5 x 4,5 hajmdagi 6 dona fotosurat;

  • Chet tili bo‘yicha kamida B2 darajasidagi sertifikat nusxasi (mavjud bo‘lsa — imtihonsiz maksimal ball beriladi).

3. Magistratura bosqichi uchun:

  • Rektor nomiga ariza, pasport/ID nusxasi va 6 dona fotosurat;

  • Oliy diniy ta’lim muassasasi diplomi va ilovasi nusxasi (asli ko‘rsatiladi);

  • Arab tili bo‘yicha kamida C1 darajasidagi milliy yoki xalqaro sertifikat (maksimal ball beriladi).

4. Modul ta’lim tizimi uchun:

  • Ariza, pasport/ID nusxasi, 6 dona fotosurat;

  • O‘rta maxsus islom ta’lim muassasasi diplomi va ilovasi asl nusxasi;

  • O‘zbekiston musulmonlari idorasining hududiy vakilidan (qoziyot/vakillik) tavsiyanoma;

  • Tasdiqlangan mehnat daftarchasi nusxasi.

To‘lov haqida: Test sinovlarida ishtirok etish uchun BHMning yarim baravari (1/2) miqdorida to‘lov undiriladi.

Joriy yilda maktab, litsey yoki kollejni tamomlaganlar, nogironligi bo‘lgan shaxslar va to‘liq davlat ta’minotidagi abituriyentlardan to‘lov undirilmaydi.


Fursatni boy bermang, hujjatlaringizni topshirishga shoshiling! 


O‘zbekiston musulmonlari idorasi

Matbuot xizmati

O'zbekiston yangiliklari
#logo