Sayt test holatida ishlamoqda!
14 Avgust, 2026   |   1 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:02
Quyosh
05:31
Peshin
12:28
Asr
17:21
Shom
19:28
Xufton
20:54
Bismillah
14 Avgust, 2026, 1 Rabi`ul avval, 1448
Avvalgi sayt
#search
 YouTube

Aniqlangan eng katta yulduz

15.01.2019   8699   2 min.
Aniqlangan eng katta yulduz

Astronom olimlar osmon jismlarini kuzatishda davom etib, yildan yilga yangi yulduzlarni kashf qilmoqdalar.

UY Qalqon nomli yulduz hozirgi kunda astronom olimlar tomonidan aniqlangan eng katta yulduzdir. 

 

 

Ushbu rasmda mazkur yulduz bilan Quyosh solishtirilgan. O‘ng tarafdagi kichkina nuqta Quyosh (Sun), chap tarafdagi mandarin rangidagi (UY Scuti) esa UY Qalqon yulduzi. Ushbu yulduz Quyoshdan 1708 marta kattadir.

 Bu rasmda esa Quyosh bilan Yer solishtirilgan.

 

 

O‘ng tarafdagi ulkan doira Quyosh, chap tarafda chiziqcha bilan ishora qilingan kichkina nuqta Yer sayyorasi. Quyosh Yerdan diametri bo‘yicha 109 marta kattadir.

Bu rasmdagi Quyosh bilan Yerning orasidagi farqni ko‘ringu, oldingi rasmdagi UY Qalqon nomli yulduz bilan Quyosh orasidagi farqni ko‘ring!  

Endi o‘sha ulkan yulduz Yerga nisbatan qanchalik kattaligini tasavvur qiling!

Endi esa shu katta yulduz insonga nisbatan naqadar kattaligini tasavvur qilib ko‘ring!

Tasavvur qilish qiyin, to‘g‘rimi?

Inson Yer shari bilan solishtirganda, zarradek keattalikda bo‘lar edi.

Agar uni UY Qalqon nomli yulduz bilan solishtirsak, zarra (atom)dan ham maydaroq bo‘lib ketishini, rasmda umuman ko‘rinmay qolishini anglash qiyin emas.  

Bularning barchasi Buyuk Alloh taoloning qudratiga, azamatiga dalolat qiladi.

Nuqtadek Yerda yashovchi zarradek keladigan, ulkan yulduz bilan solishtirganda esa umuman ko‘rinmay qoladigan inson nimasiga kibr qiladi?! Nimasiga kekkayadi?! Nimasiga o‘zini ustun tutib, kattalikda, o‘lchamda o‘ziga o‘xshagan insonlarga manmanlik qiladi?!

Azizlar, barchamiz ojiz banda ekanimizni unutmaylik! Robbimiz bizni O‘ziga ibodat qilishimiz uchun yaratgan. Hayotimizni Alloh taologa ibodat qilish bilan o‘tkazaylik! 

“Koinot sirlari” kanali va boshqa internet ma’lumotlari asosida

Nozimjon Iminjonov tayyorladi

Maqolalar
Boshqa maqolalar
Yangiliklar

Toshkentda Malayziya xalqaro Halal Fest ko‘rgazmasi o‘kazilishi rejalashtirilmoqda

10.08.2026   22709   1 min.
Toshkentda Malayziya xalqaro Halal Fest ko‘rgazmasi o‘kazilishi rejalashtirilmoqda

O‘zbekiston va Malayziya o‘rtasida halol sanoati yo‘nalishidagi hamkorlik yangi bosqichga chiqmoqda. Qishloq xo‘jaligi vazirligida bo‘lib o‘tgan uchrashuvda ikki mamlakat vakillari “Malaysia–Uzbekistan International Halal Fest 2027” xalqaro forumi va ko‘rgazmasini Toshkent shahrida o‘tkazish istiqbollarini muhokama qildilar.

Malayziyaning TWOJ CREATIVE SDN BHD kompaniyasi delegatsiyasi tomonidan taqdim etilgan loyiha halol sanoati ekotizimini rivojlantirish, xalqaro biznes aloqalarini mustahkamlash hamda yangi investitsiya loyihalarini shakllantirishga qaratilgani bilan ahamiyatlidir.

Rejalashtirilayotgan festival doirasida xalqaro ko‘rgazma, biznes-forum va B2B uchrashuvlari, halol oziq-ovqat, turizm, moliya hamda ishlab chiqarish yo‘nalishlariga bag‘ishlangan maxsus ekspozitsiyalar, investitsiya sessiyalari, madaniy dasturlar va mahsulotlar taqdimotlarini tashkil etish ko‘zda tutilmoqda. Ushbu tadbir O‘zbekistonning halol mahsulotlar bozoridagi salohiyatini namoyish etish va mahalliy ishlab chiqaruvchilar uchun yangi eksport imkoniyatlarini yaratishga xizmat qilishi kutilmoqda.

Muzokaralar davomida JAKIM standartlari asosida halol sertifikatlashtirish tizimini rivojlantirish, mahalliy ishlab chiqaruvchilarni xalqaro bozorlarga olib chiqish, fermer va tadbirkorlar uchun o‘quv-seminarlar hamda malaka oshirish dasturlarini tashkil etish masalalari ham muhokama qilindi.

Tomonlar festivalni yuqori saviyada tashkil etish maqsadida tegishli vazirlik va idoralar, oliy ta’lim muassasalari, biznes hamjamiyati hamda tarmoq uyushmalarini jalb etgan holda qo‘shma “Yo‘l xaritasi”ni ishlab chiqishga kelishib oldilar.

Mutaxassislarning fikricha, “Malaysia–Uzbekistan International Halal Fest 2027” nafaqat ikki mamlakat o‘rtasidagi savdo-iqtisodiy aloqalarni mustahkamlaydi, balki investitsiyalarni jalb etish, halol sanoati infratuzilmasini rivojlantirish va oziq-ovqat xavfsizligini ta’minlash yo‘nalishidagi hamkorlikni yangi bosqichga olib chiqadigan muhim xalqaro maydonga aylanishi kutilmoqda.

O‘zbekiston musulmonlari idorasi Matbuot xizmati

O'zbekiston yangiliklari
#logo