Agar maymunlarning oldiga pullar va yong‘oqlar qo‘yilsa, maymunlar yong‘oqlarni tanlaydi. Chunki ular pulga juda ko‘p yong‘oqlar sotib olish mumkinligini bilmaydi.

Xuddi shu ishni ko‘plab insonlarga qo‘lladim. Ularning oldiga bir loyiha va maosh olib ishlash ixtiyorini qo‘ydim. Ularning juda ko‘pchiligi maosh olib ishlashni tanlashdi. Chunki ular bitta loyihani amalga oshirish orqali bir oylik maoshdan ko‘ra ancha ko‘p pul topish va yashash tarzini o‘zgartirish mumkinligini bilishmaydi. 

Odamlarning kambag‘al bo‘lishlariga sabab bo‘ladigan narsalardan biri — turli biznes loyihalarini ishga solish, ular natija bergunicha sabr qilish, loyihalar bilan ishlashdek qulay fursatni qo‘ldan bermaslikni o‘rganmaganlaridir. Ular maktab va oliygohlarda «Ishga borib ishlash maosh olish uchundir» degan narsani o‘rganishgan. Ular o‘zlari uchun ishlashni emas, boshqalar boy bo‘lishi uchun ishlashni, birovlarning qo‘lida ishlashni o‘rganishgan, xolos. 

To‘g‘ri, oylik maosh sizni faqir bo‘lib qolmasligingizga sabab bo‘ladi, lekin shu bilan birga u sizni boy bo‘lishdan to‘sadi. 

Men hayotimda ertalab soat 8 dan to kech soat 3 gacha ishlab, boy bo‘lib ketgan shaxsni ko‘rmadim. Faqat oylikka ishlaydigan buzuq tabiatli odamgina (poraxo‘rlik, o‘g‘rilik, xiyonat va hokazolar sababli) boy bo‘lib ketganini ko‘rdim.

Jek Ma,

Xitoyning eng boy odami, shaxsiy boyligi 39 milliard dollarni tashkil etadi

Arabchadan Nozimjon Iminjonov tarjimasi