Sayt test holatida ishlamoqda!
16 Iyun, 2025   |   20 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:04
Quyosh
04:49
Peshin
12:29
Asr
17:39
Shom
20:01
Xufton
21:40
Bismillah
16 Iyun, 2025, 20 Zulhijja, 1446
Avvalgi sayt
#search
 YouTube

Odam savdosiga qarshi kurash sohasida «Dubay ayollar va bolalarni himoya qilish jamg'armasi» bilan hamkorlik yo'lga qo'yiladi

21.07.2023   1165   2 min.
Odam savdosiga qarshi kurash sohasida «Dubay ayollar va bolalarni himoya qilish jamg'armasi» bilan hamkorlik yo'lga qo'yiladi

O'zbekiston Bosh konsulligi diplomatlari «Dubay ayollar va bolalarni himoya qilish jamg'armasi» boshqarma boshlig'i Fatma Al Baaj Almoatasem Belah bilan uchrashdilar, deb  xabar  bermoqda «Dunyo» AA muxbiMuloqot avvalida BAA vakiliga  davlatimiz rahbari tomonidan O'zbekistonda turli sohalarda hayotga izchil tadbiq etilayotgan islohotlar, barkamol avlodni har tomonlama sog'lom va etuk kadrlar bo'lib etishishlari uchun yaratilayotgan shart-sharoitlar, migratsiya siyosatini takomillashtirish, xorijda vaqtinchalik mehnat faoliyati bilan shug'ullanayotgan vatandoshlarning huquq va manfaatlarini himoya qilish ko'rilayotgan chora-tadbirlar haqida  batafsil aytib berildi.

Hotin-qizlar huquqlarini mustahkam himoya qilish va bolalarning majburiy mehnatga jalb etilishiga  qarshi kurash sohasida erishilgan  natijalar alohida  qayd etildi. O'zbekistonda  ayollar va bolalar huquqlarini ta'minlash bo'yicha  samarali islohotlar xalqaro hamjamiyat tomonidan  yuqori baholanayotgani ta'kidlandi.

Tomonlar, odam savdosiga oid muammolar, ularning kelib chiqishi sabablari, bartaraf etish yo'llari, ushbu illatdan jabr ko'rganlarga zarur konsullik-huquqiy yordam ko'rsatish, aybdorlarga nisbatan esa qonuniniy chora ko'rish amaliyotlari bilan bog'liq bir qator dolzarb masalalar yuzasidan fikr almashdilar.

Fatma Al Baaj Almoatasem Belah, o'z navbatida, dunyo bo'ylab olib borilayotgan targ'ibot-tashviqot ishlari, amaliy tadbirlarga qaramay, hozirgi kunga qadar ko'plab odamlar «zamonaviy qullik» - odam savdosi qurboniga aylanib qolayotganini ta'kidladi. U  O'zbekistonning ushbu global  muommaga qarishi  kurash  bo'yicha vazifalarini va  natijalarini  yuqori baholadi. «Odam savdosidan jabr ko'rayotganlar orasida ayollar soni ortib borayotgani hamda transmilliy jinoyatchilik chegara tanlamasligi inobatga olinib, yuqoridagi muammolarni hal qilishda xalqaro hamkorlikni yanada kengaytirish muhim», - dedi Fatma Al Baaj Almoatasem Belah.

Bo'lib o'tgan  suhbat  yakunida O'zbekiston  Bosh konsulligi va «Dubay ayollar va bolalarni himoya qilish jamg'armasi» o'rtasida odam savdosi qurboni bo'lgan ayollar hamda undan jabr ko'rganlarni himoya qilish maqsadida ikki tomonlama Hamkorlik  memorandumini ishlab chiqish va  imzolash to'g'risida kelishib olindi. 

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar

Minoda qanday amallar bajariladi?

04.06.2025   7871   2 min.
Minoda qanday amallar bajariladi?

Zulhijja oyining 8 kuni “Tarviya kuni” deyiladi.

“Tarviya” deyilishiga sabab o‘sha kuni hojilar zam-zam suvidan qonib-qonib ichadilar.

“Tarviya” – “tafakkur” ma’nosida ham qo‘llaniladi. Chunki zulhijjaning sakkizinchi kechasida Ibrohim alayhissalom tushlarida o‘g‘illari Ismoil alayhissalomni qurbonlik qilayotganlarini ko‘radilar va bu tush shaytoniymi yoki rahmoniy deya o‘sha kunni tafakkur bilan o‘tkazadilar. Shunga ko‘ra, bu kun “Tarviya – tafakkur kuni” deyiladi.

 

Mino lug‘atda – “orzu, istak” degan ma’nolarni bildiradi. Makka va Muzdalifa oralig‘idagi qishloqning nomi. Arablar odamlar to‘plangan joyni “mino” deb atashadi. Mino Masjidul-harom shimolidan 7 km. uzoqlikda joylashgan.

Bu yerda Ibrohim alayhissalom shaytonga tosh otganlar, qurbonlik qilganlar. Nabiy sollallohu alayhi vasallam ham aynan shu joyda tosh otib, qurbonliklarini ado etganlar. Bu muqaddas makonda Nasr va Mursalot suralari nozil bo‘lgan.

 

Hojilar zulhijjaning sakkizinchi kuni bomdod namozidan so‘ng Minoga qarab yo‘l olishadi. Minoda tarviya kunining peshin, asr, shom, xufton hamda arafa kunining bomdod namozlari o‘qiladi. Keyin arafotga jo‘nab, o‘ninchi kuni yana Minoga qaytishadi va ikki kun shaytonga tosh otishni davom ettirishadi.

Minoda bajarilishi zarur bo‘lgan amallar haqida Qur’oni karimda bunday marhamat qilinadi: «Va o‘zlariga bo‘ladigan manfaatlarga shohid bo‘lsinlar. Ma’lum kunlarda ularga rizq qilib bergan chorva hayvonlarini (so‘yishda) Allohning ismini zikr qilsinlar. Bas, ulardan yenglar va bechora va faqirlarga ham yediringlar. So‘ngra o‘zlaridagi kirlarni ketkazsinlar, nazrlariga vafo qilsinlar va “Qadimgi uy”ni tavof qilsinlar”, deganimizni esla» (Haj surasi, 28-29-oyatlar).

Ushbu oyatda Mino kunlari jamarotda tosh otish, qurbonlik qilish va soch oldirib ehromdan chiqish kabi amallarni ado etish ta’kidlanmoqda. Mino kunlari ushbu uchta amalni mukammal tarzda bajarish vojibdir.

Alloh taolo qilayotgan va qiladigan barcha solih amallaringizni O‘z dargohida qabul etsin. O‘zi kuch-quvvat bersin..

Davron NURMUHAMMAD