Joriy yilning 10-15 iyul' kunlari mamlakatimiz elchixonasi ko'magida O'zbekiston Islom tsivilizatsiyasi markazining muzey va eksponatlar ilmiy bo'limi mutaxassislari ishtirokida Malayziya Islom san'ati muzeyida ilmiy-amaliy va uslubiy trening tashkil etildi, deb xabar bermoqda «Dunyo» AA muxbiri.
Mazkur treningni o'tkazish joriy yil fevral'-mart oylarida O'zbekistondagi Islom tsivilizatsiyasi markazi direktori o'rinbosari Firdavs Halimov boshchiligidagi delegatsiyaning Malayziyaga safari davomida kelishilgan edi.
Treningni tashkil etishdan maqsad O'zbekistondagi Islom tsivilizatsiyasi markazi mutaxassislarining muzey boshqaruvi, doimiy va vaqtinchalik ko'rgazmalarni tashkil etish, tarixiy hujjat, qo'lyozma va toshbosma asarlar hamda eksponatlarni konservatsiya-restavratsiya qilish yo'nalishlarida malakaviy bilimlarini mustahkamlash, shuningdek, xalqaro tajriba almashishdan iborat.
O'quv dasturi davomida muzey boshqaruvining zamonaviy xalqaro standartlari, doimiy va vaqtincha ekspozitsiyalarni shakllantirish, muzey faoliyatida ta'lim dasturlarini joriy qilish va rejalashtirish, ushbu dasturlarni maktabgacha va maktab yoshidagi bolalar hamda oliy ta'lim muassasalari talabalari uchun tabaqalashtirish, muzey faoliyatida marketing va muzey imijini shakllantirish instrumentlari, muzey faoliyatining xavfsizligini ta'minlash kabi mavzularga bag'ishlangan mashg'ulotlar o'tkazildi.
Treningda muzey bosh kuratori Heba Nael' Barakat, muzey fondi va ko'rgazmalar menejeri Rekxa Verma, ta'lim, marketing, konservatsiya bo'limlari ekspertlari ma'ruzachi sifatida ishtirok etdilar. O'quvlar yakunida ishtirokchilarga maxsus sertifikatlar topshirildi.
Malayziya Islom san'ati muzeyi 1998 yilda tashkil etilgan. Muzey Janubi-Sharqiy Osiyodagi Islom tsivilizatsiyasi tarixi va san'atiga bag'ishlangan eng yirik muzey bo'lib, maydoni 30 mingkv.m.ga teng. Muzey kollektsiyasidan butun islom olamining madaniyati va san'atini aks ettiruvchi muhim eksponatlar o'rin olgan. Eng nodir eksponatlardan biri- bu O'zbekistonga tegishli bo'lgan VIII asrga oid so'g'd ipak libosidir.
O'zbekiston musulmonlari idorasi
Matbuot xizmati
— Haj vaqtida ziyoratchilarimiz shaytonga tosh otishadi. Tosh nima uchun otiladi?
— Darhaqiqat, haj vaqtida qilinadigan amallardan biri bu – Minoda shaytonga tosh otishdir. Shayton hamma yerda ham bo‘lishi mumkin. Aynan hajda va ma’lum joylarda shaytonga tosh otish, shayton o‘sha vaqt va joylarda Ibrohim alayhissalomga qutqu solganda u zot uni tosh otib quvganlari uchundir. Bunda shaytonga qarshi kurashning ramzi bordir.
Shaytonga tosh otish, avvalo ichdagi shaytonni toshbo‘ron qilish ila boshlanadi. Rasululloh sollallohu alayhi vasallam bunday dedilar: “Shaytonga tosh otish va Safo bilan Marva orasida say’ qilmoq, faqat Allohning zikrini qoim qilmoq uchun amr qilingandir”.
Yana tosh otishdan maqsad, shaytonni yomon ko‘rishdir. Tosh otilar ekan, shayton qalbga vasvasa solganida “A’uzubillahi minashshaytonir rojim” (toshbo‘ron qilingan shaytonning yomonligidan Allohdan panoh so‘rayman) ifodasi bilan bartaraf etish lozim.
Mo‘minlar shaytonning har turli fasodlariga qarshi o‘yg‘oq bo‘lishga harakat qilishi zarur. Haj safari asnosida esa vasvasalarga yengilmaslik, sabr qilish va imtihon ekanini tushunib, haj ibodatini mukammal ado etishdir.
Ustoz Muhammad Ayyub Homidov