Shu kunlarda Qrimdagi Simferopol masjidi qurilishi yakunlanmoqda. Obodonlashtirish ishlari 90 foizga bajarildi, ichki pardozlash ishlari davom etmoqda. Uni sentyabr' oy oxiriga qadar tugatish rejalashtirilgan. Mazkur masjid 2016 yildan buyon qurilmoqda.
Qrim Respublikasi rahbari Sergey Aksyonovning so'zlariga ko'ra, ushbu masjid Qrim va Simferopolning asosiy Juma masjidiga aylanadi.
Masjidning umumiy maydoni 2 ming kvadrat metr. 4 ming kishiga mo'ljallangan. Asosiy xonaqoh 1,5 ming kishini sig'diradi.
O'zbekiston musulmonlari idorasi
Matbuot xizmati
Bismillahir Rohmanir Rohiym
Shoyad, bugun boshimga tushgan bu g‘am,
Kun kelar ortidan bo‘lib shodu hurram.
Biror foydali kitob o‘qish yoki foydali narsalar eshitish orqali o‘z ustingizda ishlang va tajribangizni oshiring. Qur’oni karimning muattar tilovatlarini jim sokinlik bilan tinglang. Gohida birgina oyat sizning vujudingizni tebratishi, ich-ichingizgacha yetib borishi va vijdoningizga xitob qilishi mumkin.
Hadis kitoblarini mutolaa qiling, suyukli Habibimiz sollallohu alayhi vasallamning so‘zlarini o‘qing va solihlar gulshaniga sayr eting. Aslida, sizning davoingiz Qur’on va sunnatda, rohatingiz iymonda, ko‘z quvonchingiz namozda, qalbingiz salomatligi rozilikda, ko‘nglingiz xotirjamligi qanoatda, yuzingiz go‘zalligi tabbasumda, nomusingiz himoyasi iffatda va qalbingiz xotirjamligi zikrdadir. Buni aslo unutmang.
Shu’la: Mazlumning duosi va bechorahol kishining ko‘z yoshidan ehtiyot bo‘ling.
Doktor Oiz al-Qarniyning
"Dunyodagi eng baxtli ayol" kitobidan