Joriy yilning 28 iyun' – 8 iyul' kunlari O'zbekiston musulmonlari idorasi vakili, Fatvo markazi mas'ul xodimi Habibullo Jo'raboyevning Rossiyaning Novosibirsk, Tomsk viloyatlari hamda Oltoy o'lkasiga safari tashkil etildi, deb xabar bermoqda «Dunyo» AA muxbiri.
Mamlakatimizning Novosibirsk shahridagi Bosh konsulligi ma'lumotiga ko'ra, safar davomida O'zbekiston musulmonlari idorasi vakilining mamlakatimiz fuqarolari ko'pchilikni tashkil etadigan korxona va tashkilotlarda ishlayotgan mehnat migrantlari, oliy ta'lim muassalarida tahsil olayotgan o'zbek talabalari, diaspora tashkiloti rahbarlari hamda faol vatandoshlar bilan uchrashuvi, davra suhbati va ochiq muloqotlari bo'lib o'tdi.
O'zbekistonda amalga oshirilayotgan keng ko'lamli islohotlar, dunyoviy va diniy qadriyatlarning o'zaro bog'liqligi, oila muqaddasligi, oila tarbiyasida milliy va umuminsoniy ahloqiy madaniyatning o'rni, shuningdek, xorijda yurgan yoshlarni turli buzg'unchi yot g'oyalar, ekstremizm, terrorizm kabi salbiy oqimlar ta'siriga tushib qolishlarining oldini olish bilan bog'liq masalalar uchrashuvlarning asosiy mavzusi bo'ldi.
O'zbekiston musulmonlari idorasi vakili Novosibirsk viloyati muftiysi Salim Shakirziyanov bilan ham uchrashdi. Suhbat chog'ida diniy masalalarda hududlararo hamkorlik qilish, diniy ulamolar o'rtasida o'zaro tajriba almashish yuzasidan fikr almashildi.
O'zbekiston musulmonlari idorasi
Matbuot xizmati
Shu yil, 14 may kuni Jizzax viloyatidan “Haj – 2025” mavsumining ilk ziyoratchilari Jizzax shahridagi “Qaliya” masjididan jo‘nab ketishdi. Haj sari qadam qo‘yayotgan hamyurtlarimizning ko‘zlarida quvonch, tillarida shukronalik.
Allohning farz ibodatini ado etishga otlangan muhtaram yurtdoshim Alloh taolo yurtimiz, xalqimiz haqqiga qiladigan barcha duolaringizni qabul etsin. Duolaringizda bizni ham unutmang!
Hajingiz mabrur, sa’yingiz mashkur va gunohingiz mag‘fur bo‘lsin!
Jizzax viloyati vakilligi
Matbuot xizmati