Islom olami uyushmasi Bosh kotibi Hindistonga tashrif buyurdi
Islom olami uyushmasi Bosh kotibi va Musulmon ulamolari uyushmasi raisi, shayx, doktor Muhammad bin Abdulkarim Al-Iso uyushmaning Hindiston Respublikasiga tashrif buyurgan delegatsiyasiga boshchilik qilmoqda. Hindiston hukumati rasmiy taklif etgan etuk ulamo xalqaro islomiy tashkilotning rahbari sifatida Hindiston zaminidagi barcha islomiy va noislomiy din rahbarlari tomonidan olqishlangan holda kutib olindi.
Islom olami uyushmasining ma'lum qilishicha, dastavval doktor Muhammad Al-Iso Hindiston yarim orolidagi eng katta va qadimgi masjidlardan birida namozxonlarga imom bo'lib, ma'ruza qiladi.
Tashrif davomida doktor Muhammad Al-Iso Hindiston Prezidenti, Bosh vaziri, yuqori martabali islomiy va noislomiy diniy etakchilari bilan muloqot o'tkazadi, birodarlik va do'stona munosabatlar borasida Islom jamoatchiligi va turli hind vakillari ishtirokidagi o'zaro hamkorlik munosabatlarini mustahkamlash, ikki tomon manfaatlariga asoslangan ko'plab masalalarni muhokama etish maqsadida o'tkaziladigan qator tadbirlarda qatnashadi.
U, shuningdek, qator vazirlar, parlament mutasaddilari va yuqori martabali amaldorlar bilan uchrashadi va butun Hindiston uchun ahamiyatli bo'lgan bir qancha masalalar borasida suhbat olib boradi.
O'zbekiston musulmonlari idorasi xodimi
I.Ahmedov tayyorladi
Oliy ma’hadning 1-kurs talabalari O‘zbekiston musulmonlari idorasi faoliyati bilan tanishtirildi
Imom Buxoriy nomidagi Toshkent islom institutiga yangi qabul qilingan 1-kurs talabalari O‘zbekiston musulmonlari idorasi raisi o‘rinbosari ustoz Zayniddin domla hamrohligida idora faoliyati bilan yaqindan tanishdilar.
Tanishuv davomida talabalarga O‘zbekiston musulmonlari idorasining tarixi, tuzilmasi, asosiy vazifalari va faoliyat yo‘nalishlari haqida ma’lumot berildi. Shuningdek, diniy-ma’rifiy sohada amalga oshirilayotgan ishlar, ta’lim va ma’rifat yo‘nalishidagi loyihalar xususida so‘z yuritildi.
Talabalar idora faoliyatiga oid o‘zlarini qiziqtirgan savollarga javob olib, kelgusidagi ta’lim va kasbiy faoliyatlari uchun muhim ma’lumotlarga ega bo‘ldilar.
O‘zbekiston musulmonlari idorasi Matbuot xizmati
