Sayt test holatida ishlamoqda!
24 May, 2025   |   26 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:18
Quyosh
04:57
Peshin
12:25
Asr
17:29
Shom
19:46
Xufton
21:19
Bismillah
24 May, 2025, 26 Zulqa`da, 1446
Avvalgi sayt
#search
 YouTube

Poytaxtda yana bir masjid qayta chiroy ochdi

01.11.2018   5172   2 min.
Poytaxtda yana bir masjid qayta chiroy ochdi

Bugun, 1 noyabr kuni Toshkent shahri Chilonzor tumani “Muhsinxon to‘ra” jome masjidi binosining yangidan bunyod etilishi munosabati bilan ochilish marosimi bo‘lib o‘tdi.
Yurtimizdagi taniqli ulamolar, imom-xatiblar va ko‘plab namozxonlar ushbu masjidda peshin namoziga jam bo‘ldilar va o‘zlarining iliq so‘zlarini bildirdilar. So‘zga chiqqan notiqlar, mana shunday jomeni qaytadan barpo etilishi muhtaram Prezidentimiz tomonlaridan amalga oshirilayotgan diniy-ma’rifiy sohadagi islohotlarning yorqin namunasi ekani, mo‘min-musulmonlarga katta tuhfa bo‘lgani va shunday go‘zal masjidda ibodat qilishdan baxtiyor ekanlarini izhor qilishdi.
Qurilish ishlariga eng mohir usta va muhandislar jalb etildi. Bunday ezgu ishga hissa qo‘shish istagidagi quruvchilar o‘z mahoratlarini ko‘rsatib, bor kuch-g‘ayrat bilan mehnat qilishdi.
Ochilish marosimiga tashrif buyurganlar masjidning go‘zal shaklda, zamonaviy uslublar va milliy qadriyatlarimizni o‘zida aks etgan binosini ko‘zdan kechirib, ushbu masjid musulmonlar uchun mo‘tabar maskan sifatida xizmat qilishini alohida ta’kidlab, xayrli duolar qildilar.

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Hajji mabrurning savobi

19.05.2025   3618   1 min.
Hajji mabrurning savobi

Bismillahir Rohmanir Rohiym

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

عَنْ عَبْدِ اللهِ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: تَابِعُوا بَيْنَ الْحَجِّ وَالْعُمْرَةِ، فَإِنَّهُمَا يَنْفِيَانِ الْفَقْرَ وَالذُّنُوبَ كَمَا يَنْفِي الْكِيرُ خَبَثَ الْحَدِيدِ وَالذَّهَبِ وَالْفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلَّا الْجَنَّةُ. رَوَاهُ النَّسَائِيُّ وَالتِّرْمِذِيُّ وَصَحَّحَهُ.

Abdulloh roziyallohu anhudan rivoyat qilinadi. Nabiy sollallohu alayhi vasallam: «Haj bilan umrani ketma-ket qiling. Albatta, xuddi bosqon temir, tilla va kumushning kirini ketkazganidek, ikkisi faqirlik va gunohlarni ketkazadi. Hajji mabrurning jannatdan boshqa savobi yo‘q», dedilar.

Nasaiy va Termiziy rivoyat qilgan. Termiziy sahih, degan.

Haddodlar (temirchilar) temir va boshqa ma’danlarning zangi va kirini yaxshilab ketkazish uchun bosqonni ketma-ket bosib, bolg‘ani ustma-ust uradilar va maqsadlariga erishadilar. Gunohlarim yuvilsin, faqirlikdan qutulib, boy bo‘lay, degan banda ham hajdan keyin umra qilsa, maqsadiga erishar ekan.

«Hajji mabrurning jannatdan boshqa savobi yo‘q».

Jannatni o‘ziga savob, ya’ni mukofot qilib olishni istagan banda hajji mabrur qilishi lozim ekan. Ya’ni, haj qilganda hayosiz gap-so‘zlardan tiyilib, fisqu fujurlardan xoli bo‘lib, saxiylik va husni xulq ila haj qilmog‘i kerak.

«Hadis va hayot» kitobi 10-juz