Qaytar dunyo
Otasining o‘limidan bir fursat o‘tib, ish bilan band o‘g‘il kasalmand keksa onani qariyalar uyiga topshirishga qaror qildi. O‘g‘il ora-chora onasining holidan xabar olib turdi.
Kunlar o‘tdi. Bir kuni qariyalar uyidan qo‘ng‘iroq qilishdi: vaziyat jiddiy - ona og‘ir ahvolda yotibdi o‘g‘liga aytadigan so‘nggi so‘zi bor ekan. O‘g‘il zudlik bilan uning yoniga shoshdi. Ajal bilan kurashayotgan ona temir karavotda holsiz to‘lg‘anar, o‘g‘il so‘nggi so‘zni eshitmoq uchun uning lablariga quloq tutdi. «O‘g‘lim, sendan so‘nggi iltimosim - qariyalar uyi xonalariga konditsionerlar o‘rnattirib bersang. Qarilik bois sovuq va issiq kunlarda juda qiynaldim. Keyin, bu yerga muzlatgich ham olib kelib qo‘y - ba’zida tunlar uyqum qochganida biror nima topa olmay, och yotib, qiynaldim.
Onaning o‘tinchidan hayratda qolgan o‘g‘il unga tikilib qoldi. Shuncha vaqtdan buyon bu qiyinchiliklarga chidab kelib, og‘iz ochmasdan, nega umr adog‘ida yolvorayotganini so‘radi. «Men-ku, bularga chidadim, bolam! Lekin sendan xavotirdaman. Kun kelib, bolalaring seni bu yerga tashlab ketishsa, sening holing nima kechadi, bolajonim?!» deb javob qaytardi onaizor.
Odiljon Narzullayev
Zangiota tuman “Imomi A’zam” jome masjidi imom xatibi.
Toshkentda O‘zbekiston va Pokiston turizm sohasi vakillarining B2B formatidagi uchrashuvi bo‘lib o‘tdi
Toshkentda O‘zbekiston va Pokistonning Karachi shahri turistik biznesi vakillari ishtirokida B2B formatidagi uchrashuv bo‘lib o‘tdi, deb xabar bermoqda “Dunyo” AA muxbiri.
Ikki mamlakat turoperatorlari o‘rtasidagi bevosita aloqalarni kengaytirish, yangi turizm mahsulotlarini yaratishga bag‘ishlangan tadbir “Centrum Air” aviakompaniyasi tomonidan tashkil etildi. Uchrashuv Toshkent–Karachi yo‘nalishida to‘g‘ridan to‘g‘ri aviaqatnov yo‘lga qo‘yilishi munosabati bilan “FAM Trip” tanishtiruv turi doirasida o‘tkazildi.
Joriy yilning 10–12 sentyabr kunlari bo‘lib o‘tgan tashrif davomida Karachi turizm biznesining 10 nafar vakili O‘zbekistonga keldi. Delegatsiya Toshkent va Samarqandning tarixiy, madaniy va diqqatga sazovor sayyohlik maskanlari hamda mamlakatning zamonaviy turizm infratuzilmasi bilan tanishdi.
B2B formatidagi uchrashuvda O‘zbekistonning turizm salohiyati va hamkorlikning istiqbolli yo‘nalishlari taqdimoti o‘tkazildi. Unda Pokiston bozorida Toshkent, Samarqand, Buxoro va Xivani qamrab oluvchi tarixiy-madaniy yo‘nalishlar, Buyuk Ipak yo‘li yo‘nalishlari, gastronomik, ekologik va ziyorat turizmini targ‘ib qilishga alohida e’tibor qaratildi.
Ikki mamlakat turizm sohasi vakillari qo‘shma turpaketlarni ishlab chiqish, yangi yo‘nalishlarni shakllantirish hamda O‘zbekiston va Pokiston bozorlarida turistik mahsulotlarni ilgari surish masalalarini muhokama qildi.
Ta’kidlanganidek, Karachi va Toshkent o‘rtasida to‘g‘ridan to‘g‘ri aviaqatnovning yo‘lga qo‘yilishi turizm yo‘nalishlari, jumladan, “Karachi–Toshkent–Samarqand” yo‘nalishini rivojlantirish uchun qo‘shimcha imkoniyatlar yaratadi va kelgusida O‘zbekistonning boshqa sayyohlik markazlarini ham qamrab olish imkonini beradi.
O‘zbekiston musulmonlari idorasi Matbuot xizmati
