Sayt test holatida ishlamoqda!
10 Iyun, 2025   |   14 Zulhijja, 1446

Toshkent shahri
Tong
03:05
Quyosh
04:50
Peshin
12:28
Asr
17:37
Shom
19:59
Xufton
21:36
Bismillah
10 Iyun, 2025, 14 Zulhijja, 1446

Rasululloh sallolohu alayhi vassallamga salovat aytish fazilati

17.10.2018   16651   1 min.
Rasululloh sallolohu alayhi vassallamga salovat aytish fazilati

Abdulloh ibn Amr rozianllohu anhu: “Kim Nabiy sallolohu alayhi vassallamga bitta  salovat aytsa, Alloh taolo va uning farishtalari unga yetmishta salovat aytishadi”, dedilar. (Ahmad rivoyat qilgan).

Nabiy sallolohu alayhi vassallamga salovat aytish fazilati va savobli amaldir. U zotga salovat aytish haqida Alloh Qur’oni karimda shunday marhamat qilgan: Albatta, Alloh va Uning farishtalari Payg‘ambarga salovat ayturlar. Ey mo‘minlar (sizlar ham) unga salovat va salom aytingiz! (Azhob surasi 56-oyat).

Anas ibn Malik rozianllohu anhudan rivoyat qilinadi: Rasululloh sallolohu alayhi vassallam: “Kim menga bitta salovat aytadi, Alloh uning o‘nta gunog‘i o‘chiriladi va u uchun o‘nta daraja ko‘tariladi”, dedilar.

Ibn Mas’ud rozianllohu anhudan rivoyat qilinadi: Rasululloh sallolohu alayhi vassallam: “Qiyomat kunida insonlarning menga eng yaqinrog‘i, ularning menga ko‘p salovat aytganlaridir”, dedilar. (Termiziy rivoyati).

Rasululloh sallolohu alayhi vassallamga salovat aytish qalbni munavvar qiladigan, duolar ijobat bo‘lib, amal daftariga ko‘plab savoblar bitilishiga sabab bo‘ladigan go‘zal ibodatdir. Alloh barchamizni Rasululloh sallolohu alayhi vassallamga ko‘p salovat aytishga qodir qilsin. Amin.

 

“Ko‘kaldosh” o‘rta maxsus islom bilim yurti talabasi

Oybek Ma’rupov

Maqolalar
Boshqa maqolalar
Yangiliklar

O‘zbekistonlik hojilar xalqimizni duo qilmoqda

02.06.2025   7715   2 min.
O‘zbekistonlik hojilar xalqimizni duo qilmoqda

 
 

Prezident Shavkat Mirziyoyev 31 may kuni O‘zbekiston musulmonlari idorasi raisi, muftiy shayx Nuriddin Xoliqnazar bilan telefon orqali muloqot qildi. 


Hozirgi muborak kunlarda aziz yurtdoshlarimiz Haj ziyorati uchun Makkai mukarramada bo‘lib turishibdi. Davlatimiz rahbari ular uchun yaratilgan sharoitlar, nuroniylarning salomatligi va kayfiyati haqida so‘radi.


Muftiy hazratlari Haj amallarini sidqidildan, mukammal ado etish uchun barcha tashkiliy choralar ko‘rilganini ta’kidladi.


Ayni paytda 15 ming nafar hojilarimizning barchasi Saudiya Arabistoniga yetib borgan. Ularga 300 dan oshiq guruh rahbari, 50 nafar oliy toifali shifokor, 10 dan ziyod oshpazlar va boshqa mutaxassislar hamrohlik qilmoqda.


Bu yil, O‘zbekiston tomonining talabiga muvofiq, Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘ralgan, sovutish tizimi o‘rnatilgan, gilam va to‘shaklar solingan. Bu hozirgi yoz kunlarida ziyoratchilarga qo‘shimcha qulaylik yaratadi.  


Bir so‘z bilan aytganda, bu yilgi haj mavsumiga yanada yuqori darajada tayyorgarlik ko‘rilib, barcha zarur sharoitlar hozirlandi. Bundan qalbida shukronalik hissi jo‘shgan yurtdoshlarimiz muqaddas joylarda turib, Yaratgandan mamlakatimiz tinchligi, xalqimiz farovonligini so‘rab duolar qilmoqda.


Muftiy Nuriddin Xoliqnazar Prezidentimizga ulug‘ ibodat fayzi bilan yurgan hojilarimizning salomi va duolarini yetkazdi. Davlatimiz rahbari barcha ziyoratchilarga salom yo‘llab, yurtimizga sog‘-omon kelishlarini tiladi. 


Suhbat samimiy va ko‘tarinki ruhda o‘tdi. Muhtaram hojilar O‘zbekistonga qaytgach, mahallalarda ijtimoiy muhitini mustahkamlash, ehtiyojmand insonlarga ko‘mak berish, yoshlarni ilm-ma’rifatga targ‘ib etishda namuna ko‘rsatishlariga umid bildirildi. 

President.uz

 

 


 

Dunyo yangiliklari