Rossiya davlati Din tarixi muzeyida raqamli san'at texnikasi bo'yicha chechen ustasining zamonaviy arab-musulmon xattotligi ko'rgazmasi ochildi.
IQNA saytining “Alyavm-7” matbuotiga tayanib xabar berishicha, Rossiyaning Sankt-Peterburg shahridagi Din tarixi muzeyi chechenistonlik rassom Ismoil Danilxanovning “Qur'on so'zlari va ma'nolari: xattotlik tadqiqotlari” nomli ko'rgazmasini tashkil qildi.
Tashrif buyuruvchilar ko'rgazmada raqamli san'at texnikasida yaratilgan 63 ta kalligrafik eskizlarni ko'rishlari mumkin.
Checheniston Respublikasi Fuqarolik palatasi raisi, xattot Ismoil Danilxanov Rossiyaning TASS axborot agentligiga bergan interv'yusida bunday dedi: “Bugun taqdim etilayotgan deyarli barcha asarlar birinchi marta shu formatda ko'riladi. Men klassik texnikada juda uzoq vaqt ishladim, lekin ular 500-700 yil oldin yozganidek, standart to'plam bo'lgani uchun ko'rgazma qilmadim”.
Chechenistonlik xattot esa bunday dedi: “Bugungi kunda yoshlar bundan ajablanmaydi. Ular xattotlik yoki Qur'on jarayoniga aralashmaydi, chunki ular unda rang-barang, yorqin ma'no topa olmaydilar. Raqamli san'at kabi shakl o'ziga xos turga aylandi. Ular uchun Chechenistonda arab xattotligi qayta tiklanganidan darak beradi”.
Danilxanov u uchun eng muhimi Qur'onning go'zalligi haqidagi bilimlarni tarqatish, shuningdek, chechen xalqining tarixiy xotirasi va arab tili bilan ko'proq bog'liq bo'lgan adabiy merosini saqlab qolish ekanini e'tirof etdi.
Rossiyaning “TASS” axborot agentligining xabar berishicha, xattot, rassom, shuningdek, zamonaviy musulmon xattotligi bo'yicha mahorat darsini o'tkazadi, unda ishtirokchilar linogravyurani yaratishning butun jarayonini ko'rishlari hamda musulmon xattotligining texnikasi va tarixi bilan tanishishi mumkin bo'ladi.
Eslatib o'tamiz, Sankt-Peterburgdagi Din tarixi muzeyi Rossiya hukumati va ushbu mamlakat Madaniyat vazirligi tasarrufidagi madaniyat muassasasi bo'lib, uning muzey fondlarida turli mamlakatlar madaniyati, xalqlari va tarixidan saqlanib qolgan qadimiy obidalar sanalgan 200 mingga yaqin eksponat mavjud.
O'zbekiston musulmonlari idorasi
Matbuot xizmati
Muborak haj safari davomida O‘zbekiston musulmonlari idorasi Kutubxona bo‘limi boshlig‘i Kamoliddin Mahkamov, Termiziy xalqaro ilmiy-tadqiqot markazi direktori Muzaffarxon Joniyev, Hadis ilmi maktabi rektori Barot Amonov Madinai munavvaradagi Masjidun Nabaviy kutubxonasi bilan tanishish barobarida muassasa bo‘lim boshlig‘i Ahmad Naim Mulla muloqot qilishdi.
Uchrashuv asnosida ulug‘ allomalarimizning ilmiy meroslari joy olgan “O‘zbekiston burchagi” tashkil etildi. Shu munosabat bilan ushbu kutubxona vakillariga Imom Buxoriyning “Sahihi Buxoriy” va Imom Termiziyning “Sunani Termiziy” va boshqa kitoblar topshirildi.
Muloqot chog‘ida “Sahihi Buxoriy” va “Sunani Termiziy” asarlari “Olti sahih hadislar”dagi o‘rni, islom olamidagi olti buyuk muhaddisdan ikki nafari Movarounnahrdan yetishib chiqqani, buyuk ajdodlarimizning dinimiz taraqqiyotidagi xizmatlari e’tirof etildi.
Shuningdek, bugungi kunda O‘zbekistonda diniy sohada olib borilayotgan siyosat yuqori baholanib, Kutubxonaga taqdim etilgan o‘zbek tilidagi hadislar to‘plamlari sharhlari Haj va Umra ziyoratiga keluvchi ziyoratchilarga muhim manba bo‘lib xizmat qilishi aytib o‘tidi.
O‘zbekiston musulmonlari idorasi
Matbuot xizmati