Sayt test holatida ishlamoqda!
01 Iyul, 2025   |   6 Muharram, 1447

Toshkent shahri
Tong
03:09
Quyosh
04:54
Peshin
12:32
Asr
17:41
Shom
20:04
Xufton
21:41
Bismillah
01 Iyul, 2025, 6 Muharram, 1447

Rasululloh qaytargan qaza’ nima?

01.08.2018   16728   1 min.
Rasululloh qaytargan qaza’ nima?

Afsuski, ba’zi ota-onalar xorijga ko‘r-ko‘rona taqlid qilib, farzandlariga “Jumong”, “Ishani”, “Ronaldo”, “Messi” deb ot qo‘ymoqda. Bu ham yetmagandek, dilbandining ko‘rinishini ham o‘shalarga o‘xshatishga intiladi. Farzandining soch turmagi-yu kiyim-kechagini e’tiqodimizga, musulmonchilikka mutlaqo zid bo‘lgan ko‘rinishga keltiradi.

Ibn Umar roziyallohu anhudan rivoyat qilinadi: Rasululloh sollallohu alayhi vasallam qaza’dan qaytardilar. Nofe’dan: “Qaza’ nima?” deb so‘radim. U: “Yosh bola sochining bir qismini olib, bir qismini qoldirish”, dedi (Imom Muslim rivoyati).

Boshqa bir hadisda Rasululloh sollallohu alayhi vasallam: “Kim o‘zini bir qavmga o‘xshatsa, bas, u o‘sha qavmdandir”, deganlar (Imom Abu Dovud rivoyati).

Alloh taolo barchamizni to‘g‘ri yo‘lida sobit qadam qilsin.

 

Davron NURMUHAMMAD

tayyorladi.

Hadisi sharif
Boshqa maqolalar

Agar bolam tuzalib ketsa...

27.06.2025   9431   1 min.
Agar bolam tuzalib ketsa...

Savol: Farzandim davolanish uchun xorijga ketgan edi. Men agar bolam tuzalib kelsa, tilla taqinchoqlarimni sadaqa qilaman, deb nazr qilgan edim. Alhamdulillah, tuzalib keldi. Sadaqa qilaman, deb tursam, qaynonam, taqinchoqlaringiz toza tilladan, uni menga soting va pulini sadaqa qilaverasiz, deb talab qilmoqda. Nima qilsam, to‘g‘ri ish qilgan bo‘laman?


Javob: Bismillahir Rohmanir Rohiym. Mazhabimizda zakot, fitr sadaqasi, ushr va nazr kabi vojib sadaqalarda, ularning qiymatini berish mumkin. Shu bois siz ham tillangizning o‘zini yoki sotib, pulini sadaqa qilsangiz ham bo‘ladi. Faqat sotishda, bozordagi narxi e’tiborga olinadi. Undan kam narxga sotish mumkin emas.

Kam narxga sotsangiz, tafovutini o‘zingizdan qo‘shib sadaqa qilishingiz lozim bo‘ladi. Masalan, tilla taqinchoqlaringiz narxi nazrni ado qilish kunlarida bozorda 10 million so‘m bo‘lsa, lekin tanishim yoki yaqin insonim deb, 8 millionga sotsangiz, yoniga 2 million qo‘shib, sadaqa qilasiz va shu bilan nazringizdan qutilasiz. Vallohu a’lam.

 

O‘zbekiston musulmonlari idorasi
Fatvo markazi