Sayt test holatida ishlamoqda!
12 Iyun, 2025   |   16 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
12 Iyun, 2025, 16 Zulhijja, 1446

Payg‘ambarimiz sollallohu alayhi vasallamga salovot va salom aytishning foydalari

28.07.2018   8870   1 min.
Payg‘ambarimiz sollallohu alayhi vasallamga salovot va salom aytishning foydalari

1. Allohning amriga bo‘yinsungan bo‘ladi.

2. Salovot va salom aytuvchiga Payg‘ambarimiz sollallohu alayhi vasallamning o‘zlari javob qaytaradilar.

3. Alloh taolo salovot va salom aytuvchiga o‘n marta salovot aytadi.

4. Salovot va salom aytuvchi Payg‘ambarimiz sollallohu alayhi vasallamning shafoatlariga erishadi.

5. Salovot va salom aytuvchiga o‘nta yaxshilik yoziladi.

6. Salovot va salom aytuvchidan o‘nta yomonlik o‘chiriladi.

7. Salovot va salom aytuvchining qalbida nur porlab, yuzining nurafshon bo‘lishiga sabab bo‘ladi.

8. Salovot va salom aytuvchi saodat va xotirjamlikka yetadi.

9. Payg‘ambar sollallohu alayhi vasallam salovot va salom aytuvchini yaxshi ko‘radilar.

10. Salovot va salomni ko‘p aytuvchi qiyomat kuni Payg‘ambarimiz sollallohu alayhi vasallamga eng yaqin manzilda bo‘ladi.

Jum’a kunida Payg‘ambarimiz sollallohu alayhi vasallamga salovot va salom aytishning savobi ko‘p bo‘ladi.

Allohumma solli va sallim va baarik ala Muhammad va ala olihi va as'habihi ajma’iyn!

 

Nozimjon Iminjonov tarjimasi

Siyrat va islom tarixi
Boshqa maqolalar

“Ruvaybiza” bo‘lmang!

28.05.2025   7244   2 min.
“Ruvaybiza” bo‘lmang!

Rasululloh sollallohu alayhi vasallam: “Odamlarning ustiga yolg‘onchi yillar soya soladi. O‘sha kezlarda yolg‘onchi tasdiqlanadi, rostgo‘y yolg‘onchiga chiqariladi. Xoin kishi ishonarli bo‘ladi, omonatdor kishi xoinga chiqarib qo‘yiladi va ruvaybiza gapiradi”, dedilar. U zotga: “Ruvaybiza” kim? – deyildi. Payg‘ambarimiz alayhissalom: “Ommaning ishini gapiradigan esi past odam”[1], dedilar.

Ibn Manzur “Lisonul arab” kitobida: “Ruvaybiza – bir ish qilish qo‘lidan kelmaydigan notavon odam. Ko‘pincha, bu so‘z esi pastlarga nisbatan ishlatiladi, chunki ular uyida ko‘p o‘tirishadi va katta ishlar bilan kam shug‘ullanishadi”, degan[2].

Davralarda o‘tirib poyintar-soyintar gap gapiradigan kishini uchratganmisiz?

Yoki maza-bemaza ishlar to‘g‘risida uzundan-uzun maqolalar yozadigan muxbirlarni uchratasizmi?

Yoxud bekorchi ko‘rsatuvlarga chiqib, birorta foyda keltirmaydigan ishlarni gapiradigan odamlarni ko‘rgan bo‘lsangiz kerak. Ko‘pincha bunday holatlar zarar keltirib, dilni xira qiladi. Odamlarning boshini aylantirib, fikrlarini chalg‘itadi.

Hammajlislarning qay biri yaxshiroq?

Ibn Abbos roziyallohu anhumodan rivoyat qilinadi: “Yo Allohning Rasuli, bizlarga qay bir hammajlis yaxshiroq?” – deyishdi. Rasululloh sollallohu alayhi vasallam: “Uni ko‘rish sizga Allohni eslatadigan, u bilan gaplashish ilmingizga ilm qo‘shadigan va amali sizlarga oxiratni eslatadiganidir”, [3] dedilar.

Bizning hamsuhbatlarimiz orasida bunday sifatlilar topiladimi?

Do‘st-yorlar bilan birga o‘tirsangiz, o‘sha o‘tirishingizni Habibimiz sollallohu alayhi vasallam o‘rgatgan lafzlar bilan yakunlash esingizdan chiqmasin. Payg‘ambarimiz sollallohu alayhi vasallam shunday deganlar: “Birov bir davrada o‘tirsa va behuda gaplar ko‘payib ketsa, o‘rnidan turayotib: “Subhanakallohumma va bihamdika, ashhadu allaa ilaha illaa anta. Astag‘firuka va atuubu ilayk”, deydigan bo‘lsa, o‘sha majlis davomida bo‘lgan ishlar mag‘firat qilinadi”[4].

O‘ylab ko‘ring, shu zikrni aytish uchun qancha vaqt ketadi? Bor-yo‘g‘i bir necha soniya. Biroq qanchadan-qancha odamlar bu fazilatdan bebahra qolishyapti. Axir, bu olamlar Robbi tarafidan bo‘ladigan afv va mag‘firatku...


Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.


[1]  Ibn Moja rivoyati.
[2]  Lisonul arab, 7/153.
[3]  Imom Abu Dovud, Imom Termiziy rivoyati.
[4]  Imom Termiziy rivoyati.