Ka'bapo'sh haqida so'zlovchi robot
So'nggi yillarda Saudiya Arabistoni hukumati ziyoratchilarga qulay sharoitlar hozirlash maqsadida aqlli robotlardan keng foydalanishni yo'lga qo'ydi. Hususan, yaqinda Ka'batullohda Ka'bapo'sh haqida gapiruvchi robot texnologiyasini joriy etdi.
IQNA sayti ma'lumotiga ko'ra ko'ra, Masjid al-Harom va Masjid an-Nabaviy Bosh boshqarmasi “Tvitter”ga Ka'ba kisvasini saqlash va uni o'rnatish haqida ma'lumot beradigan, Qirol Abdulaziz muzeyiga tashrif buyuruvchilarni kutib olayotgan robot videosini joylashtirdi.
Bu robot ziyoratchilarga arab, ingliz, frantsuz, rus, fors, turk, malay, urdu, xitoy, bengal va hausa tillarida muzey haqida tushuncha beradi.
Masjid al-Harom va Masjid an-Nabaviy Bosh boshqarmasi rahbari Abdurrahmon As-Sudays ta'kidlashicha, haj vaqtida ziyoratchilar uchun yangilangan xizmatlar qatorida eng yangi texnologiyalar va sun'iy intellekt mexanizmlaridan foydalanish yo'lga qo'yildi. Shunday qilib, ziyoratchilar tajribasini boyitish, haj ibodatlarining qulay va oson bajarilishini ta'minlash uchun aqlli robotlar va elektron dasturlardan foydalanilmoqda.
O'MI Matbuot xizmati
Oliy ma’hadning 1-kurs talabalari O‘zbekiston musulmonlari idorasi faoliyati bilan tanishtirildi
Imom Buxoriy nomidagi Toshkent islom institutiga yangi qabul qilingan 1-kurs talabalari O‘zbekiston musulmonlari idorasi raisi o‘rinbosari ustoz Zayniddin domla hamrohligida idora faoliyati bilan yaqindan tanishdilar.
Tanishuv davomida talabalarga O‘zbekiston musulmonlari idorasining tarixi, tuzilmasi, asosiy vazifalari va faoliyat yo‘nalishlari haqida ma’lumot berildi. Shuningdek, diniy-ma’rifiy sohada amalga oshirilayotgan ishlar, ta’lim va ma’rifat yo‘nalishidagi loyihalar xususida so‘z yuritildi.
Talabalar idora faoliyatiga oid o‘zlarini qiziqtirgan savollarga javob olib, kelgusidagi ta’lim va kasbiy faoliyatlari uchun muhim ma’lumotlarga ega bo‘ldilar.
O‘zbekiston musulmonlari idorasi Matbuot xizmati
