HAJGA KYeTAYoTGAN AYoLLARGA TAVSIYaLAR (2-qism)
Mehmonxonalarda:
- Madina shahriga borganda mehmonxonalardagi xonalar taqsimotida tartibli bo'lish talab etiladi.
- Mehmonxonada oz vaqt bo'lishni, hajga nima maqsadda borishni doim yodda saqlagan holda guruh rahbarining ko'rsatmalariga qat'iy amal qilishi kerak.
- Mehmonxonalardagi xonalar ozodaligiga e'tibor berish, suvni isrof qilmaslik, xonalarda taomlanmaslik talab etiladi.
- Honadoshlar bilan janjalashmaslik, boshqalarning haqiga hiyonat qilmaslik kerak.
- Mehmonxonalarda, Mino, Arofat va Muzdalifada satri avrat qoidalariga amal qilish lozim.
Oshxonada:
- Oshxonadagi tartib-intizomga qat'iy rioya qilish kerak.
- Mehmonxonalardagi oshxonalarda, Mino, Muzdalifa, Arofatda ziyoratchilarga beriladigan mahsulotlarni faqat o'ziga kerakligini olishi, me'yordan oshiq olmaslik, berilayotgan mahsulotlar boshqa ziyoratchilarning haqqi bo'lishi mumkinligini unutmaslik lozim.
Masjidga yoki boshqa joylarga ketiladigan bo'lsa:
- Har namozga chiqqanda kalitni topshirish shart emas. Butunlay chiqib ketayotganda kalitni topshirish kerak.
- Shaxsini tasdiqlovchi beyjik va mehmonxona tashrif qog'ozi (vizitka)si doim yonida olib yurish kerak.
- Ibodatlar uchun masjidda qolinadigan bo'lsa yoki boshqa ishlar yuzasidan guruh rahbarini ogohlantirib qo'yish lozim.
"Hajga ketayotgan ayollarga tavsiyalar" risolasidan
HAMKOR JURNALIST, BLOGЕR VA MATBUOT KOTIBLARI QUTLANDI
Bugun O‘zbekiston musulmonlari idorasida 27 iyun – “Matbuot va ommaviy axborot vositalari xodimlari kuni” munosabati bilan ma’rifiy tadbir o‘tkazildi. Unda matbuot, televideniye, radio, internet saytlari vakillari, blogerlar ishtirok etdi. Shuningdek, Diniy idoraning hududiy vakilliklari Matbuot xizmati xodimlari Zoom dasturi orqali masofadan turib qatnashdi.
Ta’kidlash joizki, davlatimiz Rahbari matbuot va ommaviy axborot vositalari xodimlarining mashaqqatli mehnatlarini har jihatdan qo‘llab-quvvatlashlari barobarida ularga yuksak e’tibor qaratib kelayotganlari quvonarli hol albatta.
Tadbir Qur’oni karim tilovati va ezgu duolar bilan boshlandi. Shundan so‘ng O‘zbekiston musulmonlari idorasi raisining birinchi o‘rinbosari Homidjon domla Ishmatbekov jurnalistlarga Muftiy hazratlarining tabriklarini yetkazish barobarida xalqimiz manfaati, din g‘ami va Vatan taqdirini yuragidan o‘tkazib ishlaydigan ijod ahlining da’vatkor so‘zi, ibratli faoliyati tahsinga loyiq ekanini bildirib o‘tdi.
Shuningdek, O‘zbekiston musulmonlari idorasi raisi o‘rinbosari Muhammadolim domla Muhammadsiddiqov hamda O‘zbekiston Milliy teleradiokompaniyasi raisi o‘rinbosari, “O‘zbekiston 24” teleradiokanali Ijodiy birlashmasi Bosh direktori Madamin Safarov so‘zga chiqib, diniy-ma’rifiy ishlarni xalqimizga to‘laqonli yetkazishda ijod ahlining o‘rnini alohida qayd etishdi. Xususan, ommaviy axborot vositalari xodimlari bilan qilinayotgan hamkorliklar tufayli teleradio va matbuotdagi chiqishlar salmog‘i yil sayin ortib borayotganini ta’kidlashdi.
Bayram tadbiri yakunida o‘ttizdan ziyod hamkor OAV vakillariga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashakkurnomalari va esdalik hadyalar taqdim etildi.
Fursatdan foydalanib Muslim.uz jamoasi barcha matbuot va ommaviy axborot vositalari xodimlarini kasb bayramlari bilan tabriklab qoladi!
FOTOLAVHALAR
O‘zbekiston musulmonlari idorasi
Matbuot xizmati
MUSLIM.UZ (http://muslim.uz/) GA OBUNA BO'LING (https://t.me/+PSOPDevNs2Va-wt7) VA ULASHING (https://telegram.me/share/url?url=https://t.me/muslimuzportal)
YouTube (https://www.youtube.com/@Muslimuzz/featured) | Instagram (https://www.instagram.com/muslimuzportali/) | Facebook (https://www.facebook.com/muslimuzportal)
#xabar #27_iyun #matbuot #axborot
