Vaqf xayriya jamoat fondi kecha va bugun operatsiya qilish kerak bo‘lgan og‘ir bemorlarga, uy joyi yo‘q moddiy yordamga muhtoj oilalarga, ko‘p bolali daromadi yo‘q oilalarga, farzandi yoki yaqin insoni jazoni ijro etish muassasasida bo‘lgan jami hisobda 43 ta oilaga fondning zakot, fitr, ushr, fidya hisob raqamidan 62 200 so‘mlik yordam ko‘rsatildi.
Undan tashqari fondning Farg‘ona, Xorazm, Surxondaryo, Qashqadaryo vakilliklari moddiy yordamga muhtoj hamda bemor bo‘lgan 80dan oshiq oilalarga oziq-ovqat va kiyim-kechak ulashdilar.
Fond boshqari rahbari boshchiligida Olmazor tumanidagi muhtoj va bemori bor xonadonlarning holidan xabar olindi.
Zakot mablag‘larini o‘z egalariga yetkazish ishlari davom etmoqda.
Qayd etish kerak, 14 iyun kuni fondga kelib tushgan mablag‘lar yarim milliarddan oshgani xabar qilingan edi.
Eslatib o‘tamiz, «Vaqf» xayriya jamoat fondi O‘zbekiston Respublikasi prezidentining 2018 yil 16 apreldagi «Diniy-ma’rifiy soha faoliyatini tubdan takomillashtirish chora-tadbirlari to‘g‘risida»gi PF-5416-son Farmoni bo‘yicha tashkil etilgan bo‘lib u o‘z oldiga masjidlar va diniy ta’lim muassasalarining binolarini qurish, ta’mirlash, rekonstruksiya qilish, diniy ta’lim muassasalari professor-o‘qituvchilari, tadqiqotchilari, mutaxassislari va o‘quvchi-talabalarini moddiy va ijtimoiy qo‘llab-quvvatlash, aholining ijtimoiy himoyaga muhtoj qatlamlari, shu jumladan, imkoniyati cheklangan shaxslarni moddiy va ma’naviy qo‘llab-quvvatlash kabi bir qator ishlarni maqsad qilib qo‘ygan.
“Vaqf” xayriya jamoat fondiga pul o‘tkazish usullari:
1.Click, PayMe, MBank, UPay to‘lov mobil ilova orqali:
*880*1100# ussd yoki Click Uzbekistan ilovasi va @Clickuz telegram boti orqali;
2.Jismoniy shaxslar tomonidan bank kassalari orqali naqd pul topshirish va plastik kartalaridan fond maxsus xisob varaqlariga chiqim qilish orqali;
3.Tijorat banklari infokioslari orqali naqd pul va plastik karta (“Vaqf” fondi maxsus xisob varaqlari interfeysga kiritilgan) chiqim qilish orqali;
4.Yuridik shaxslar tomonidan “Xayriya” va “Vaqf” maxsus xisob varaqlariga shartnoma orqali;
5.Yuridik shaxslar tomonidan “Zakot”, “Xayriya” va “Vaqf” maxsus xisob varaqlariga o‘z xodimlarining oylik ish xaqlari va korxona ta’sischilarining dividendlari xisobidan to‘lov qilish orqali;
BANK RЕKVIZITLARI:
“Vaqf” xayriya jamoat fondi, STIR 207276595
ATIB “Ipoteka-bank” Yunusobod filiali, MFO 00837,
Sumda:
h/r: 20212000000881753002 «Xayriya» uchun;
x/r: 20212000100881753003 «Zakot, fitr, ushr, fidya» uchun;
h/r: 20212000300881753004 «Vaqf» uchun.
AQSH dollarida:
acc. 20212840600881753002 in AKIB “IPOTEKA-BANK”, Unus abad branch,
branch code 00837, SWIFT UZHOUZ22, Addres: Uzbekistan, Tashkent city, Amir Temur 89
Bundan tashqari musulmonlarga respublikamizning barcha viloyatlarida tijorat banklarining infokiosklari orqali naqd pul topshirish va plastik kartalardan chiqim qilish orqali moliyaviy ibodatlarini ado etish imkoniyati yaratildi.
Vaqf xayriya jamoat fondi matbuot xizmati
Ibn Javziy rahimahulloh aytadi: “Bir ajoyib holat haqida fikr yuritdim: ba’zida mo‘minning boshiga bir ish tushsa, u astoydil duo qiladi, ammo duolarining ijobati ko‘rinmaydi. Umidsizlikka tushay deganda, uning qalbiga qaraladi. Agarda u Allohning fazlidan umidini uzmagani holda taqdiriga rozi bo‘lsa, duoning ijobati tezlashadi. Bu ma’nolar Alloh taolo nozil qilgan oyati karimada o‘z ifodasini topgan: «...Hatto Payg‘ambar va iymonli kishilar: “Allohning yordami qachon (kelar ekan)?» degan edilar. Ogoh bo‘lingki, Allohning yordami (hamisha) yaqindir”»[1].
Shunday holat Ya’qub alayhissalom bilan ham bo‘lgan. U zotning o‘g‘illari Yusuf alayhissalom dom-daraksiz yo‘qolib qolganida, kushoyish kelishidan noumid bo‘lmaganlar. Keyingi o‘g‘illari ham tortib olinganida, u zot Allohning fazlidan umidlarini uzmaganlari holda: «...Shoyadki, Alloh ularning (Yusuf, Binyamin va Misrda qolgan o‘g‘limning) barchalarini (bag‘rimga) qaytarsa...»[2], deganlar.
“Duoyimning ijobat bo‘lish muddati uzayib ketdi”, deb qayg‘urmang. Alloh taolo sizning tazarruingiz, yalinib-yolvorishlaringizni ko‘rishni iroda qilmoqda. Sizni qilgan sabringizga ajr ila mukofotlamoqchi. Siz shayton bilan jang qilishingiz uchun ham duoyingizning ijobatini kechiktirish ila sizni sinayapti.
Gohida Alloh taolo sizning aziymat, qat’iyatingiz naqadar quvvatli ekani va baloga qanchalik sabrli ekaningizni ko‘rish uchun ham dard berib imtihon qiladi. Agar sabr qila olsangiz, demak, siz itoatkor bandalar safidasiz. Bordi-yu, irodasizlik qilsangiz, ziyonkorlardan bo‘lasiz. Sabrdan keyin faqat va faqat yechim, yorug‘ kunlar bor.
Aliy ibn Abu Tolib roziyallohu anhu: “Sabr qilsang, ajrga ega bo‘lasan, baribir yozilgani bo‘ladi. Sabrsizlik qilsang, gunohkor bo‘lib qolasan, baribir yozilgani bo‘ladi”, deganlar.
Shoir aytadi:
Baloyu imtihon kelsa, alarga har on rizo ko‘rsat,
Sinov bergan sihatni ham O‘zi bergay aniq, albat.
Bandasiga ne hukm etsa, hikmati bor, itoat qil,
Bitganidan qutulmoqlik chorasizdir, bil, ey g‘ofil!
Noumidlik xanjarini ko‘kragingga urma ammo,
Ki Allohning qudratila yechilgaydir har muammo.
Allohdan umidingizni uzmang. Sinovlarga sabr qiling, shundagina ulkan ajrlarni qo‘lga kiritasiz. Fazl ibn Sahl aytadi: “Kasalliklarda ne’matlar bor”. Bu borada quyidagilarga e’tiborli bo‘ling:
– gunohlardan tozalash;
– savobni qo‘lga kiritish;
– g‘aflatdan uyg‘onish;
– sog‘lik ne’matini eslab qo‘yish;
– tavbaga shoshilish.
Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.
[1] Baqara surasi, 214-oyat.
[2] Yusuf surasi, 83-oyat.