Qadr surasidagi mo‘jiza
Barchamizga ma’lumki, Qadr surasi Qur’onning nozil bo‘lishi, Qadr kechasi haqidadir. Barcha suralarda bo‘lganidek, ushbu surada ham e’joz (aqlni lol qilib, ojiz qoldiruvchi narsa) bordir. Bu e’joz shundan iboratki, ushbu sura Qur’onning juz’lariga, suralarning adadiga ishora qiladi.
Qadr surasidagi harflarning soni 114 ta bo‘lib, Qur’oni Krimdagi suralar soni ham 114 tadir. Qadr surasidagi kalimalarning soni 30 ta bo‘lib, Qur’onning juz’lari 30 tadir.
Quyidagi jadvalda suraning kalimalarini alohida-alohida qilib tartib bilan terib chiqsak, ularning soni 30 ta ekanini ko‘ramiz.
Quyidagi rasmda esa ushbu aytilganlar o‘z aksini topgan bo‘lib, kalimalarning raqami har bir kalima ostiga yozilgan bo‘lib, 30 ta kalima borligi, harflarning raqami har bir harfning ustiga yozilgan bo‘lib, 114 ta harf borligi aks etgan.
Alloh taolo barchamizni Qur’onni ixlos bilan o‘qib, hukmlariga amal qilib, hikmatlarini anglab, qalblarimiz poklanib, dunyo va oxiratda najot topuvchilardan bo‘lishimizni nasib etsin!
Nozimjon Iminjonov tayyorladi
Siz mazluma ekaningiz haqidagi xayollarni tark eting
Bismillahir Rohmanir Rohiym
Bu sizga iztiroblarni sindirish, muvaffaqiyat tomon yurish, do‘stlikni saqlash va oilada baxtiyor bo‘lishga yordam beradi. Chunki dunyoqarashi keng inson boshqalarning tabiatlarini tushunadigan, o‘zgarishlar qilishga qodir, o‘zini boshqalar o‘rniga qo‘yib ko‘radigan va vaziyatlarga o‘z holicha baho bera oladigan inson bo‘ladi.
Dunyoqarashi keng inson turli ishlarni a’lo darajada tushunadi, boshiga biror qiyinchilik tushgan yoki o‘zi orzu qilgan narsa amalga oshmay qolgan vaqtda hayot tabiatini, unda kam-ko‘stsiz maza qilib yashayotgan inson yo‘qligi hamda gohida inson yomon ko‘rgan narsasida yaxshilik bo‘lishi va gohida esa yaxshi ko‘rgan narsasida yomonlik bo‘lishi mumkinligini, yaxshilik Alloh iroda etgan narsada ekanini yaxshi anglaydi.
Dunyoqarashi keng inson ushbu keng borliqning bir parchasi ekanini, bu borliqning alamlari va shodliklaridan unga bir nasiba borligini yaxshi biladi. Shuning uchun ham og‘ir zarbalardan dovdirab qolmaydi. Dunyoqarashi tor inson esa bu yomonlik yoki mushkul ish ungagina yetgan, o‘zini doim zulm qilinadigan va unga doim yomonlik yetadigan inson deb his qiladi. Dunyoqarashi keng inson esa bunday narsalarni his qilmaydi, bor kuchini eng yaxshi narsaga erishishga sarf etadi va o‘ziga berilgan narsaga rozi bo‘ladi.
Shu’la: Bugun baxtiyor bo‘ling, ertaga emas!
Doktor Oiz al-Qarniyning
"Dunyodagi eng baxtli ayol" kitobidan
