Sayt test holatida ishlamoqda!
20 Iyul, 2025   |   25 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:29
Quyosh
05:07
Peshin
12:34
Asr
17:38
Shom
19:55
Xufton
21:26
Bismillah
20 Iyul, 2025, 25 Muharram, 1447
Avvalgi sayt
#search
 YouTube

Muftiy hazrat Asaka zavodi ishchilari bilan uchrashdi

30.05.2018   6372   1 min.
Muftiy hazrat Asaka zavodi ishchilari bilan uchrashdi

Muborak Ramazon oyining fazilatli kunlari yurtimiz uzra o‘z nurini taratib turgan shu kunlarda O‘zbekiston musulmonlari idorasi raisi, muftiy Usmonxon Alimov hazratlari Respublikamizning viloyatlaridagi yurtimiz aholisini muborak Ramazon oy bilan tabriklash asnosida o‘zlarining tashriflarini amalga oshirib kelmoqdalar.

Joriy yilning 25 may kuni Asaka shahridagi "Uz Dong Von Ko" korxonasiga tashrif buyurib, ushbu korxonada ishlaydigan barcha ishchi xodimlarni Muborak Ramazon oyi bilan tabriklab, duoi xayrlar qildilar.

Ramazonning haqiqiy zavqi – Qur’on tilovati va Allohning zikri bilan ongu shuurlarimizni band qilish, ulug‘ oyning ilohiy fayzidan nasibador bo‘lishga chaqirdilar.

Majlis so‘ngida korxona bosh direktori Bahodir Hakimjonovich Muftiy xazratlarining tashrifidan xursand bo‘lgani, xursandchilikdan boshlari ko‘klarga yetgani haqida aytib barcha xodimlar nomidan tashrif uchun minnatdorlik bildirdi.

Muftiy hazratlari ishchilarni ahil-inoq bo‘lib, birdamlikda, sog‘-salomat ishlashlarini Allohdan so‘rab duoi fotiha kildilar.

 

O‘zbekiston musulmonlari idorasi Matbuot xizmati

Fotolavhalar
Boshqa maqolalar

“Rasululloh, sizga salavot qanday aytiladi?”

16.07.2025   8398   1 min.
“Rasululloh, sizga salavot qanday aytiladi?”

حدثنا عباس الدوري نا محمد بن بشر العبدي نا مجمع بن يحيى عن عثمان بن موهب عن موسى بن طلحة عن طلحة قال: قلت: يا رسول الله كيف الصلاة عليك ؟ قال: قل :اللهم صل على محمد كما صليت على إبراهيم إنك حميد مجيد وبارك على محمد وعلى آل محمد كما باركت على إبراهيم إنك حميد مجيد.

Muso ibn Talha roziyallohu anhu Talha roziyallohu anhudan rivoyat qiladi: “Yo Allohning Rasuli, sizga salavot qanday aytiladi?” deb so‘radim.

U zot alayhissalom: “Allohumma solli ’alaa Muhammadin kamaa sollayta ’alaa Ibrohiyma innaka hamiydun majiyd. Va baarik ’alaa Muhammadin va ’alaa aali Muhammadin, kamaa baarakta ’alaa Ibrohiyma innaka hamiydun majiyd”, deb ayt”, dedilar.

Salavotning ma’nosi: “Allohim! Ibrohimga salavot yo‘llaganingdek, Muhammadga ham salavot yo‘llagin. Albatta, Sen maqtovga loyiq va ulug‘vor Zotsan. Ibrohimga barakot berganingdek, Muhammad va Muhammadning oilasiga ham barakot bergin. Albatta, Sen maqtovga loyiq va ulug‘vor Zotsan”.


Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD