25 may kuni Singapurda Butunjahon halol turizmi xalqaro anjumani ochildi.
1 iyuniga qadar bo'lib o'tadigan mazkur anjumanda turizm sohasidagi 50 dan ortiq mutaxassis va faollar halol turizmni rivojlantirishning imkoniyatlari va vazifalari haqidagi ma'ruza bilan qatnashmoqda.
Anjuman davomida turizmni barqaror rivojlantirish, “Kovid-19” pandemiyasining turizm sanoatiga ta'siri, halol turizm uchun rivojlanayotgan yo'nalishlar, musulmon ayollarning sayohat tajribasi va shu kabi mavzularda seminarlar o'tkazilmoqda.
Shuningdek, tadbir yakunida halol turizm sohasida faol va musulmonlar orasida mashhur bo'lgan mehmonxonalar va restoranlar taqdirlanishi kutilmoqda.

O'MI Matbuot xizmati