Shukri vuzu’ namozi
Odatda tahorat qilib bo‘lgandan so‘ng o‘qiladigan namoz “Shukri vuzu’” (tahoratning shukri) deyiladi.
Uqba ibn Omir al-Juhaniy roziyallohu anhudan rivoyat qilinadi:
“Payg‘ambar sollallohu alayhi vasallam: “Qay bir odam yaxshilab tahorat qilsayu, qalbi va yuzi ila iqbol qilgan holda ikki rakat namoz o‘qisa, albatta unga jannat vojib bo‘ladi”, dedilar”.
Imom Abu Dovud rivoyat qilgan.
“Mo‘minning me’roji” kitobidan
O‘MI Matbuot xizmati
Bugun, 17 noyabr kuni Mir Arab oliy madrasasi talabalari o‘rtasida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining "Fiqh va aqidaga oid ixtilofli masalalar yechimi" nomli asari bo‘yicha musobaqa bo‘lib o‘tdi.
Unda “Abu Hafs Kabir”, “Naqshbandiylar”, “Imom Moturudiy”, “Chor Bakr” hamda ayol-qiz talabalarning “Muslimalar” jamoalari ishtirok etdi.
Musobaqa tezkor savol-javob hamda tafsilotli savol-javob shartlari asosida olib borildi.
Yakuniy natijaga ko‘ra “Imom Moturudiy” jamoasi 1-o‘rinni qo‘lga kiritdi. Yakunda g‘olib va ishtirokchilarga hadyalar topshirildi.
O‘zbekiston musulmonlari idorasi
Matbuot xizmati