Usmon ibn Affon
Foto: Ilhom Ma’rupov
Ismlari Usmon ibn Affon ibn Abul Os ibn Umayya ibn Abdu Shams ibn Abdumannof Ummaviy Qurashiydir.
Usmon ibn Affon fil voqeasidan yoki Payg‘ambarimiz alayhissalom tug‘ilganlaridan olti yil o‘tib tavallud topganlar. Xalifalik davrlari o‘n bir yil, o‘n bir oy, o‘n to‘rt kun davom etgan (644-656 y.y).
Rasulullohning ikki qizlariga – oldin Ruqiyaga, u dunyodan o‘tgach, Ummu Gulsumga (roziyallohu anhumo) uylanganlari uchun “Zinnurayn”, ya’ni “Ikki nur egasi” nomini oladilar. U kishi o‘rta bo‘yli, ko‘rkam, chiroyli yuzli, nozik jussali, yuzi qizil va soqoli qalin kishi bo‘lgan. 35/656 yilda vafot etadilar. “Baqi” qabristoniga dafn etilganlar.
O‘MI Matbuot xizmati
Sirdaryoda imom-xatiblar o‘rtasida stol tennisi turniri o‘tkazildi
#xabar #Sirdaryo #sport
O‘zbekiston Respublikasi davlat mustaqilligining 35 yilligi munosabati bilan O‘zbekiston musulmonlari idorasi Sirdaryo viloyati vakilligi hamda Sirdaryo viloyati hokimligi hamkorligida imom-xatib va imom-noiblar o‘rtasida stol tennisi bo‘yicha musobaqa tashkil etildi.
Turnirda viloyatning barcha tuman va shaharlarida faoliyat yuritayotgan imom-xatib va imom-noiblar ishtirok etib, sport mahorati va o‘zaro hamjihatlik ruhini namoyon etdilar.
Bellashuvlar do‘stona muhit, sog‘lom raqobat va yuqori kayfiyatda o‘tdi. Tadbir ishtirokchilarning jismoniy faolligini oshirish, sog‘lom turmush tarzini targ‘ib qilish hamda hamkasblar o‘rtasidagi o‘zaro ahillikni mustahkamlashga xizmat qildi.
Musobaqa yakunida g‘olib va sovrindorlar O‘zbekiston musulmonlari idorasi Sirdaryo viloyati bosh imom-xatibi Xabibulloh domla Zokirov tomonidan faxriy yorliq va esdalik sovg‘alari bilan taqdirlandi.
O‘zbekiston musulmonlari idorasi
Sirdaryo viloyati vakilligi
Matbuot xizmati