Usmon ibn Affon
Foto: Ilhom Ma’rupov
Ismlari Usmon ibn Affon ibn Abul Os ibn Umayya ibn Abdu Shams ibn Abdumannof Ummaviy Qurashiydir.
Usmon ibn Affon fil voqeasidan yoki Payg‘ambarimiz alayhissalom tug‘ilganlaridan olti yil o‘tib tavallud topganlar. Xalifalik davrlari o‘n bir yil, o‘n bir oy, o‘n to‘rt kun davom etgan (644-656 y.y).
Rasulullohning ikki qizlariga – oldin Ruqiyaga, u dunyodan o‘tgach, Ummu Gulsumga (roziyallohu anhumo) uylanganlari uchun “Zinnurayn”, ya’ni “Ikki nur egasi” nomini oladilar. U kishi o‘rta bo‘yli, ko‘rkam, chiroyli yuzli, nozik jussali, yuzi qizil va soqoli qalin kishi bo‘lgan. 35/656 yilda vafot etadilar. “Baqi” qabristoniga dafn etilganlar.
O‘MI Matbuot xizmati
Diniy ta’lim muassasalariga kirish imtihoni Toshkent shahrida davom etmoqda
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026–2027 o‘quv yili uchun kirish test sinovlarining 2-hudud (Toshkent shahri) bosqichiga start berildi. Imtihonlar 2–3 avgust kunlari Chilonzor tumanidagi “Shayx Muhammad Sodiq Muhammad Yusuf” jome masjidi Majlislar zalida o‘tkaziladi.
Jarayon shaffof va adolatli o‘tishi uchun Din ishlari bo‘yicha qo‘mita, Musulmonlar idorasi rahbarlari va mustaqil kuzatuvchilar jarayonni bevosita nazorat qilmoqda.
Abituriyentlarga qulayliklar va muhim eslatmalar:
-
Qulaylik: Abituriyentlar o‘zlari hujjat topshirgan hamda o‘zlariga yaqin bo‘lgan diniy ta’lim muassasasida imtihon topshirishlari mumkin.
-
Magistratura: Imom Buxoriy nomidagi Toshkent islom instituti magistraturasiga hujjat topshirgan, arab tilidan sertifikati bor abituriyentlar testdan ozod etiladi. Ular 11 avgust kuni ijodiy imtihon topshiradi.
-
Zarur hujjatlar: Shaxsni tasdiqlovchi hujjat (pasport/ID-karta) va ruxsatnoma.
-
Vaqt: Ruxsatnomada ko‘rsatilgan vaqtdan 30 daqiqa oldin kelish talab etiladi. Soat 17:00 dan kechikkanlar testga kiritilmaydi.
-
Tartib: Telefon, aqlli soat, shporgalka va boshqa elektron qurilmalardan foydalanish qat’iyan man etiladi hamda chetlatishga asos bo‘ladi.
Manzil: Chilonzor tumani, Sugalli ota ko‘chasi, 5/1-uy.
Aloqa: +998 99 876 0310
Rasmiy manba: https://t.me/qabulmuslimuz
O‘zbekiston musulmonlari idorasi
Matbuot xizmati
