Avvalroq, O‘zbekiston musulmonlari idorasi tasarrufidagi diniy ta’lim muassasalarida “Arab tili” fani bo‘yicha pullik o‘quv kurslari tashkil etilishi haqida ma’lum qilgan edik.

O‘quv kurslarida tahsil olish istagida bo‘lgan tinglovchilarning hujjatlari 2017 yilning 25 dekabridan 27 dekabriga qadar qabul qilinishi ko‘zda tutilgan edi.

Bugun, 25 dekabr erta tongdan “Arab tili” fanini o‘rganish istagida bo‘lgan yuzlab insonlar ta’lim olishda talab etiladigan hujjatlar bilan poytaxtimizdagi Imom Buxoriy nomidagi Toshkent islom instituti “Ko‘kaldosh” o‘rta maxsus islom bilim yurti va “Xadichai Kubro” ayol-qizlar bilim yurtiga kelishdi.

Quyida hujjatlarni qabul qilish jarayonidan fotolavhalarni taqdim etamiz.

Ma’lumot uchun, mazkur o‘quv kurslari 2018 yilning 2 yanvaridan boshlab o‘z faoliyatini boshlaydi.

O‘MI Matbuot xizmati