Hazrati Oyisha onamiz roziyallohu anhoning huzuriga bir ayol keldi va Rasululloh sollallohu alayhi vasallamning qabrini ziyorat ettirishini iltimos qildi. Oyisha onamiz qabr turgan muborak hujrani ochdi va ayol ziyorat etdi va yig‘lamoqni boshladi, yig‘lab-yig‘lab jon taslim qildi. 

Hazrati Ali karramallohu vajhahudan: “Siz Rasulullohni qanchalik sevasiz?” deb so‘rashdi. Hazrati Ali: “Qasam ichib aytamanki, Rasululloh sollallohu alayhi vasallam bizning molimizdan, farzandimizdan, ota-onamizdan va jazirama issiqda qo‘limizga yetgan sovuq suvdan-da sevimlidir”, dedi.

Men ham Sizni  sevaman, yo Rasululloh. Ishqini ayta olmagan Uvays kabi, ul Habashi Bilol kabi, oshiqman Sizga, oshiqman, devonai Majnun kabi men ham Sizni sevaman yo Rasululloh, Men Sizni sevaman yo Habibulloh.

Siz jonimsiz, siz gulimsiz, tomirimdagi qonimsiz,

Ota-onam fido bo‘lsin, sevaman, yo Rasululloh.

Shul yamanlik Uvays kabi, ul habashlik Bilol kabi,

Oshiqdurman Majnun kabi sevaman, yo Rasululloh.

****
Rabbim Habibimsan demish, tog‘u toshlar tilga kirmish,

Ummatingiz ko‘ngil bermish, sevaman yo Rasululloh.

Shul yamanlik Uvays kabi, ul habashlik Bilol kabi,
Oshiqdurman Majnun kabi sevaman, yo Rasululloh.

****
Kim jonini bermas sizga, oqar ko‘nglim sizga yana,

Recheli qurbon  bo‘lsin izingizga, yo Rasululloh.

Shul yamanlik Uvays kabi, ul habashlik Bilol kabi
Oshiqdurman Majnun kabi sevaman, yo Rasululloh.

Ismoil Bayxon Abdurahmon va Recheli Bulbul dueti

                                               Tarjimon: Robiya JO‘RAQULOVA