Abu Hurayra roziyallohu anhudan rivoyat qilinadi: “Nabiy sollallohu alayhi vasallam: “Uylaringizni qabrga aylantirmanglar. Baqara surasi o‘qilgan uyga shayton kirmaydi”, dedilar.
Barcha odamlar uylarining obod bo‘lishiga harakat qiladilar. Bu maqsadni amalga oshirish uchun turli ishlar, sarf-harajatlar qiladilar. Bu maqsadni amalga oshirishning eng qulay, barakali va arzon yo‘li ushbu hadisi sharifda bayon qilingan ekan. Har bir musulmon kishi o‘z uyi obod bo‘lishi, qabrga o‘xshab, qolmasligi uchun Baqara surasini uyida o‘qib tursa bo‘ldi ekan.
Abu Hurayra roziyallohu anhudan rivoyat qilinadi: “Nabiy sollallahu alayhu vasallam: “Har bir narsaning sanomi – ko‘zga ko‘ringan joyi bo‘ladi. Baqara surasi Qur’onning sanomidir. Unda bir oyat bor. O‘sha oyat Qur’on oyatlarining sayyidasidir. U “Oyatul Kursiy”, dedilar.
Abu Mas’ud roziyallohu anhudan rivoyat qilinadi:
“Nabiiy sollallohu alayhi vasallam: “Kim Baqara surasi oxiridagi ikki oyatni bir kechada o‘qisa, kifoya qiladi”, dedilar.
Ushbu hadisi sharifga ko‘ra “kifoya qiladi” ga urg‘u berib aytgan ulamolarimiz shunday deyishganki, kim Baqara surasi oxiridagi ikki oyatni bir kechada o‘qisa:
Abdulloh PARPIYEV
Xalqaro aloqalar bo‘limi xodimi
#haj
64-CAVOL:
Assalomu alaykum. Men piyoda haj qilmoqchiman, shu masalaga dinimizda nima deyiladi?
JAVOB:
Va alaykum assalom. Piyoda haj qilish to‘g‘risida mazhabboshimiz Imom Abu Hanifa rahimahulloh makruh, deganlar. Chunki piyoda haj qilishda safar mashaqqati odamning xulqiga salbiy ta’sir ko‘rsatib, kishi fe’lini tajang qilib qo‘yadi. “Majma’ul anhur” kitobida: “Ulovda haj qilish piyoda haj qilishdan afzaldir va fatvo ham shungadir”, deyiladi.
Hozirgi kunda vatandoshlarimizning xavfsizligi va qulayligini hisobga olib, faqat uyushgan holda va havo yuli orqali haj safari qilinadi. Har bir hojining xavfsizligi, sog‘ligi va ibodatlarni to‘liq bajarishi maxsus ishchi guruh diqqat-e’tiborida bo‘ladi.
Demak, yakka tartibda piyoda va avtomobillarda haj safari qilish maqsadga muvofiq emas. Chunki piyoda safar qilinganda bir nechta xorijiy davlatlar chegaralari kesib o‘tiladi va yo‘lning xavfsizligiga hech kim kafolat bera olmaydi.
Hukumatimiz tomonidan barcha qulayliklar yaratilib turganda bir paytda, jonimizni xavfga qo‘yib, piyoda haj qilaman, deyish ma’qul emas. Vallohu a’lam.
O‘zbekiston musulmonlari idorasi
fatvo hay’ati. @diniysavollar