Nega men?
Brenda toqqa tirmashib chiqishni orzu qiladigan qiz. Bir kuni jasorat etib toqqa chiquvchilar safiga qo‘shildi. Borib qarasa, qarshisidan devor kabi tik qoya va qiyalik chiqdi. Qattiq qo‘rqayotganiga qaramay, Brenda qat’iyatli edi; xavfsizlik kamarini taqdi, arqonni mahkam tutib qoyaning tik yuziga qarab tirmasha boshladi. Bir oz tirmashganidan so‘ng bir o‘yiq joy topdi...
U yerda osilib turarkan, yuqorida arqonni tutib turgan kishi toliqqanidan arqonda silkina boshladi. Keskin silkingan arqon Brendaning ko‘zining oldidan shuvillab o‘tib ketdi va uning linzasini uchirib yubordi. Linza juda kichkina edi. Shu bois uning topilishidan umid qilmasa ham bo‘lardi. Linza qiyalikda bir joyga tushdi, Brenda endi xira ko‘rayotgan edi.
Brenda linzasini o‘zi topishidan umid uzib Allohga astoydil nola qila boshladi.
“Allohim! Sen bu yerdagi barcha tog‘larning qo‘riqlovchisisan. Bu tog‘lardagi har bir toshni va yaproqni bilganing kabi mening linzam tushgan joyni ham bilasan, uni topishimga madad ber!”
Suqmoq yo‘ldan yurib quyiga indilar. pastga tushganlarida tirmashish uchun bu yerga kelgan yangi guruh bilan duchlashdilar. Ulardan biri: “Orangizda linzasini yo‘qotgan kishi bormi?” deb qoldi.
Brendaga keyinroq linzani bir chumoli sudrab borayotganini gapirib berishdi. Qoya yuzidan chumoli yurib borayotganda qizlarning e’tiborini qandaydir bir porlagan narsa tortgan. Uyga qaytganidan so‘ng Brenda otasiga linzani qanday yo‘qotib, qanday topib olganini so‘zlab berdi.
Karikaturachi bo‘lgan otasi og‘zida linzani tishlab sudrab borayotgan chumoli rasmini chizadi va uning tepasiga mana bu so‘zlarni yozadi: “Allohim! Buni nega olib ketayotganimni bilmayman. Buni yeya olmayman va sudrashimga ham g‘oyat og‘ir. Ammo uni tashishimni Sen istaganing uchun tashiyapman... bu og‘ir yukni nega tashiyapman?” demayman.
Turkchadan Damin JUMAQUL tarjimasi
Misr OAV: O‘zbekiston muftiysining Rabiul avval oyiga bag‘ishlangan maqolalari ma’naviy yangilanish va Nabaviy sunnatga ergashishga chorlamoqda
Misrning nufuzli ommaviy axborot vositalarida O‘zbekiston muftiysi, shayx Nuriddin Xoliqnazarning Muhammad alayhissalom tavallud topgan muqaddas Rabiul avval oyiga bag‘ishlangan turkum maqolalari chop etildi, deb xabar bermoqda “Dunyo” AA muxbiri.
Xususan, Misrning “Al Gomhuria” nashri sahifalarida Rabiul avval oyi musulmonlar qalbida alohida o‘rin tutishi va Ummaning Payg‘ambarimizga bo‘lgan cheksiz muhabbati tufayli bu oy an’anaviy ravishda “Mavlid oyi” deb atalishi haqidagi fikrlar keng yoritilgan. Materialda Muftiyning ushbu davrni yangi ma’naviy ko‘tarinkilik bilan kutib olish, uni “Nabaviy siyrat oyi” va “Ibratli ummat oyi”ga aylantirish, ibodat, axloq va madaniyat masalalarida Payg‘ambarimiz o‘gitlarini amaliy o‘zlashtirishga qaratilgan da’vati alohida ta’kidlangan.
“Ya7dosal2an” nashri ham Islom e’tiqodining ajralmas qismi va chin imonning asosiy sharti bo‘lgan Payg‘ambarimizga bo‘lgan muhabbat sabablari haqidagi metodologik masalani qayd etgan. Maqolada sahobalarning sadoqatiga oid tarixiy misollar va guvohliklar keltirilgan.
“Aldawlanews” resursida Islomni amaliy tushunishning oliy manbai sifatida Nabaviy siyratni o‘rganishning ahamiyati ko‘rib chiqilgan bo‘lib, unda shunchaki sanalarni yodlash o‘rniga har bir tarixiy voqeadan sabr, adolat va rahmat kabi hayotiy saboqlarni chiqarish zarurligi urg‘ulangan.
“Al Diplomacy” nashri esa Payg‘ambarimizga bo‘lgan chin muhabbatning uch asosiy belgisiga — siyrat haqida tafakkur qilish, sunnatga so‘zsiz ergashish va ruhlar shifosi hamda jamiyatda axloqni mustahkamlashning ma’naviy asosi bo‘lgan ko‘p salavot aytishga e’tibor qaratdi.
“Sada El Balad” rasmiy resursi O‘zbekiston muftiysining Rabiul avval oyini oilalar va ta’lim muassasalari uchun keng qamrovli tarbiyaviy loyihaga aylantirish tashabbusini yoritib, musulmonlarni ushbu oyni yuksak axloq va jipslikning oliy namunasiga ergashish yo‘lidagi yangi debochaga aylantirishga chaqirdi.
“Eldameer” axborot portali ham O‘zbekiston muftiysining asarlarini atroflicha taqdim etib, Rabiul avval oyining chuqur mazmuni va sunnatga ergashish orqali ma’naviy poklanishning muhimligiga e’tibor qaratdi.
O‘zbekiston musulmonlari idorasi Matbuot xizmati
