Muborak Ramazon oyiga bag'ishlangan simpozium o'tkazildi
2023 yil 11 aprel' kuni muborak Ramazon oyini munosib nishonlash maqsadida Islom hamkorlik tashkiloti Bosh kotibiyati virtual simpozium o'tkazdi. Simpozium tashkilot Bosh kotibiyati tomonidan Ramazonga oid masalalarni muhokama qilish maqsadida o'tkazilib, uni Halqaro islom fiqhi akademiyasi qoshidagi Fatvolar va murojaatlar rasadxonasi rahbari, doktor Muhammad Mustafo Shuayb olib bordi.
Anjuman “Ro'za va taqvo”, “Ro'za va Qur'on”, “Ro'za va namoz tushunchalari”, shuningdek, “Qadr va Ramazon oyining oxirgi o'n kunligi fazilati”, “Saxovat oyida mehr-muruvvat va saxovat tushunchalari” kabi mavzular doirasida bo'lib o'tdi. Shuningdek, Gvineya Respublikasining Konakri shahrida bo'lib o'tgan 40-sessiyaning vazirlar kengashi qaroriga muvofiq, Ramazon oyining 15-kunini “Yetimlarga g'amxo'rlik ko'rsatish” kuni qilib belgilash masalasi ham muhokama qilindi.
O'MI Matbuot xizmati
Surxondaryoda otinoyilar uchun seminar-trening o‘tkazildi
Joriy yilning 7-8 sentyabr kunlari Surxondaryo viloyatining Imom Termiziy xalqaro ilmiy-tadqiqot markazi majlislar zalida ikki kunlik o‘quv-seminari doirasida "Mafkuraviy xatarlarga qarshi kurashishda otinoyilarning o‘rni hamda mas’uliyati" mavzusida seminar-trening bo‘lib o‘tdi.
Tadbirda O‘zbekiston musulmonlari idorasi Surxondaryo viloyati vakilining xotin-qizlar bo‘yicha o‘rinbosari, viloyat hokimligi mutasaddilari hamda diniy soxa xodimlari ishtirok etishdi. Ishtirokchilarga seminarning ahamiyati, "Aqida ilmining moxiyati va moturidiylik ta’limoti", "Yot oqimlar g‘oyalariga raddiyalar" - Imom Moturidiy xalqaro ilmiy- tadqiqot markazi katta ilmiy xodimi I.Abduraxmonov, "Globallashuv asrida ayollarni g‘oyaviy taxdidlardan asrash" - Imom Moturidiy xalqaro ilmiy- tadqiqot markazi bo‘lim boshlig‘i Sh.Jo‘rayev hamda "Xotin-qizlar bilan ishlashda uslubiy tavsiyalar" - O‘zbekiston xalqaro islomshunoslik akademiyasi dots.nti D.Turdiyevalar mavzularida so‘z yuritdilar.
Seminar davomida bugungi kunda uchrayotgan mafkuraviy tahdidlar, ularning oldini olish, jamiyatda sog‘lom ma’naviy muhitni shakllantirish, ayniqsa xotin-qizlar o‘rtasida ma’rifiy faoliyatni kuchaytirishda otinoyilarning o‘rni va mas’uliyati haqida atroflicha ma’lumotlar berildi.
Shuningdek, ishtirokchilar bilan ochiq muloqot tashkil etilib, mavzu yuzasidan fikr va takliflar muhokama qilindi hamda qiziqtirgan savollarga mutaxassislar tomonidan javoblar berildi.
Seminar-trening o‘z ishini yakunladi.
O‘zbekiston musulmonlari idorasi Matbuot xizmati
