Sayt test holatida ishlamoqda!
23 Iyul, 2025   |   28 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:32
Quyosh
05:10
Peshin
12:35
Asr
17:37
Shom
19:53
Xufton
21:23
Bismillah
23 Iyul, 2025, 28 Muharram, 1447
Avvalgi sayt
#search
 YouTube

Tamal toshi qo‘yildi

01.07.2017   6328   2 min.
Tamal toshi qo‘yildi

Ramazonda qilingan duolarning ijobati o‘laroq, Toshkent viloyati, O‘rta Chirchiq tumani, Gulzor mahallasi aholisi xayrli ish ustida jam bo‘ldilar. Erta tongda ushbu mahallaga O‘zbekiston musulmonlari idorasi raisi, muftiy Usmonxon Alimov hazratlarining tashrifi barchani quvontirdi. Tashrifning boisi mahalladagi “Xo‘jai Korsoz” jome masjidi binosini qayta qurish uchun tamal toshi qo‘yish edi.

Masjid XIII asrda yashab o‘tgan “Xo‘jai Korsoz” nomi bilan mashhur zot sharafiga shunday atalgan. Mahalliy aholining so‘zlariga qaraganda, u zot olim va avliyo bo‘lgan. Shu yerda shogirdlar yetishtirgan. Demak, bu maskan o‘sha zamonlardanoq ziyo maskani bo‘lib kelgan.

Aholining “Xo‘jai Korsoz” masjidining eski binosini buzib, uning o‘rniga yangisini barpo qilish bo‘yicha boshlagan sa’y-harakatlari bugun amalga ko‘chdi. Muftiy hazratlari qurilayotgan masjid qiyomatgacha xizmat qilishini niyat qilib, birinchi g‘ishtni qo‘yib berdilar. Shundan so‘ng Din ishlari bo‘yicha qo‘mita bo‘lim boshlig‘i Z.Sultonov, O‘zbekiston musulmonlari idorasi bo‘lim mudiri M.Qayumov, Toshkent viloyati bosh imom-xatibi X.Turmatov, nuroniylar va ezgu niyatda yig‘ilgan qalbi pok insonlar ham birin-ketin poydevorga g‘isht qo‘ydilar. 

 

O‘zbekiston musulmonlari idorasi

Masjidlar bo‘limi

Fotolavhalar
Boshqa maqolalar
Yangiliklar

Anqarada Turkiy davlatlar ulamolari o‘zaro tajriba almashmoqda

23.07.2025   653   1 min.
Anqarada Turkiy davlatlar ulamolari o‘zaro tajriba almashmoqda

Shu kunlarda Turkiy davlatlar tashkilotiga a’zo mamlakatlar Diniy idoralari huzuridagi Fatvo kengashining navbatdagi seminari Turkiya poytaxti Anqara shahrida bo‘lib o‘tmoqda. Unda O‘zbekiston, Turkiya, Qirg‘iziston, Qozog‘iston va Ozarbayjon davlatlaridan kelgan mutaxassislar ishtirok etmoqda.
 

Tadbir Turkiy davlatlar tashkiloti kotibiyati tashabbusi va Turkiya diyonat ishlari boshqarmasi hamkorligida tashkil etilgan yig‘ilish olti kunlik maxsus seminar shaklida o‘tkazilmoqda. 


Mazkur yig‘ilishda yangi oyni kuzatish, namoz vaqtlari, taqvim tuzish, ozuqa mahsulotlariga qo‘shiladigan jelatin moddasining hukmi, safar masofasi, zakot nisobini aniqlashga oid masalalar bo‘yicha har bir yurt vakili o‘z tajribalarini bayon qilib, fikr-mulohaza almashmoqda. Shuningdek, tadbir qatnashchilari Turkiya diyonat ishlari boshqarmasi ish faoliyati bilan ham yaqindan tanishmoqda. 


Yig‘ilishdan ko‘zlangan maqsad Turkiy davlatlar o‘rtasida diniy-ma’rifiy aloqalarni yanada mustahkamlash, fatvolar chiqarishda o‘zaro yakdillik va birxillikni ta’minlashdir.   


Ushbu xalqaro seminarda O‘zbekiston musulmonlari idorasi Fatvo markazi ulamolari G‘ulomiddin domla Xolboyev, Hikmatulloh domla Toshtemirov, Abdulatif domla Tursunov qatnashmoqda.  

O‘zbekiston musulmonlari idorasi 
Matbuot xizmati

Anqarada Turkiy davlatlar ulamolari o‘zaro tajriba almashmoqda Anqarada Turkiy davlatlar ulamolari o‘zaro tajriba almashmoqda
O'zbekiston yangiliklari
#logo