Istiqlol yillarida barcha sohalarda bo‘lgani kabi, sport sohasiga ham alohida e’tibor qaratildi. Qanchadan-qancha sport inshootlari, futbol maydonlari, suv havzalari qurildi, ta’mirtalablari zamonaviy sharoitlarga asosida qayta ta’mirlandi. Ushbu imkoniyatlardan unumli foydalangan yurtimiz sportchilari nafaqat respublika, balki xalqaro miqyosidagi musobaqalarda nufuzli o‘rinlarni qo‘lga kiritib kelishmoqda. Dunyoning nufuzli sport arenalarida mamlakatimiz bayrog‘ini viqor bilan hilpirashiga, davlat madhiyasini baralla yangrashiga sababchi bo‘lishmoqda. Albatta, bu qalbida vatan tuyg‘usi bor har qanday insonga faxr, iftixor tuyg‘usini alangalatadi.

Yoshlarimizni har jihatdan yetuk va barkamol qilib tarbiyalash maqsadida, bir necha yillardan buyon, O‘zbekiston musulmonlari idorasi tasarrufidagi ta’lim muassasalari talabalari o‘rtasida “Barkamol avlod” sport musobaqalari o‘tkazilib kelinmoqda.

Bu yilgi “Barkamol avlod-2017” sport musobaqalarining yakuniy bosqichi joriy yilning 17-18 may kunlari Qoraqalpog‘iston respublikasida joylashgan “Muhammad al-Beruniy” o‘rta maxsus islom bilim yurtida bo‘lib o‘tadi. Bugun ushbu sport musoboqasining ochilish marosimi bo‘lib o‘tdi. Eslatib o‘tamiz, musobaqalar shaxmat, stol tennisi, tosh ko‘tarish va milliy kurash yo‘nalishlari bo‘yicha bo‘lib o‘tadi. Musobaqa 18 may kuni o‘z yakuniga yetadi.

Musobaqa tafsilotlarini portalimizda kuzatib boring. 

Ta’lim va kadrlar tayyorlash bo‘limi