Abbos In’om Xo‘ja Buxoriy
Abbos In’om Xo‘ja hijriy 1307 (1889) yili Qo‘qonda tug‘ilgan. 15 yoshida Qur’oni karimni to‘liq yod olgan. 16 yoshida Buxoroga borib “Mir Arab” madrasasiga o‘qishga kirgan. Madrasada hanafiy fiqhi, tafsir, mantiq, falsafa va boshqa bir necha fanlarni puxta o‘zlashtirgan. Buxoroda bir necha yil istiqomat qilgan. So‘ng Samarqandga kelib “Xurtnaq” degan joyda yashab Buxoroda olgan ilmlarini takrorlagan. Keyin Afg‘onistonga o‘tib Peshavor shahriga borgan. O‘sha vaqtda 30 yoshda bo‘lgan. Ilmini yanada oshirish maqsadida Hindistonga safar qilgan. U yerdagi madrasalarning biriga o‘qishga kirib o‘qishni davom ettirgan. U yerda ham 5 yil yashaganidan keyin Devbanddagi universitetga o‘qishga kirib ikki yil ta’lim olgan. So‘ng “Ahmir” shahridagi bir masjidda imomlik qilib, Qur’oni karimdan uch yil dars bergan.
Ikkinchi jahon urushi, boshlangan kezlarda Hindistondan Bag‘dodga safar qilgan. U yerda olti oy davomida bir necha qiroatlar bo‘yicha ta’lim olgan. So‘ng Shomga borib u yerda 2 hafta turadi va hijriy 1360 (1941) yili Madinai Munavvaraga borib o‘sha yerda yashab qolgan.
Madinada qurrolar ustodi Shayx Hasanga qiroatlar bo‘yicha ta’lim olib, u kishidan bir necha qiroatlar bo‘yicha ijoza olgan. Shuningdek, hijriy 1360 (1941) yildan boshlab “Madrasatul O‘zbekiya”da Qur’oni karim, qiroatlar va boshqa bir necha ilmlardan vafot etguniga qadar dars bergan.
Ustozlari:
- Shayx Asvad Maxdum, u kishi Buxoroning ulug‘ ustozlaridan.
- Shayx Husayn Ahmad Madaniy.
- Shayx Ibrohim Milyoviy
- Shayx I’zoz Aliy
- Shayx Abdus Sami’. Undan turli ilmlardan ta’lim olgan.
- Shayh Abdul Qodir xatib, Bag‘doddagi “Abu Hanifa” masjidining imomi, u kishidan yetti qiroatdan ijoza olgan.
- Shayx Hasan, u kishidan ham bir necha qiroatdan ijoza olgan.
Shogirdlari:
- Shayx Muhammad Aliy Sanadiy undan “Manzumatush shotibiyya fil qiroaatis sab’”, “Manzumatud durratul muziyya fil qiroaatis salasil mutammima lil a’shr”, “Alfiyatu ibni Molik”, “Talxisul miftah” va boshqa bir necha kitoblardan dars olib, 10 qiroat bo‘yicha ijoza olgan.
- Shayx Sayyid Abdul Karim undan “Manzumatush shotibiyya fil qiroaatis sab’”, “Alfiyatu ibni Molik” va va boshqa bir necha kitoblardan dars olgan va u kishining 22 yil xizmatini qilgan.
Hafs Osim undan Qur’oni karim bo‘yicha dars olgan bir necha qorilar mavjud deb, ularning ba’zilarini quyida keltirgan:
- Islom Ahmad Hofiz
- Abdul Hafiz Pokistoniy
- Madaniy Buxoriy
- Abdur Rahmon Barmoviy
- Nurul Islom Barmoviy
- Muhammad Hasan Yamoniy
- Muhammad Solim Yamoniy
- Ustoz Yahyo Abdul Hodiy Yamoniy
- Muhammad soyf Yamoniy
- Jamil Yamoniy
- Nozim Abdul Malik Yamoniy
- Muhammad Yamoniy Abbos Buxoriydan olti oyda Qur’onni yod olib o‘tkazadi
- Abdul Majid Ahmad Balushiy
- Abdulloh Muhammad Balushiy
- Bilol Abdul Aziz Pokistoniy
- Nazir Ahmad Pokistoniy
- Ayyub Abdul Vahid Bangladeshiy
- Mahmud Abdul Vahid Bangladeshiy
- Abdur Rahmon Kuvaytiy
- Abdul Hamid Sanadiy
- Ustoz Abdulloh Davlat Buxoriy
- Ahmad Muhammad mulla Abdul Qodir
- Abdur Rauf Abdur Rashid Hindistoniy
- Muti’ulloh Buxoriy va boshqalar.
Shayx Abbos Buxoriy hijriy 1407 (1987) yilning 20 dekabrida Madinai Munavvarada vafot etgan. Janozasi payshanba kuni bomdod namozidan so‘ng Masjidun Nabaviyda o‘qilib Baqe’ qabristoniga dafn qilingan.
Tojiddinov Abdussomad Abdulbosit o‘g‘li
Malayziya telekanalida O‘zbekistonning ziyorat turizmi imkoniyatlari keng yoritildi
Malayziyaning “Berita RTM” telekanalida O‘zbekistonda ziyorat turizmi sohasida amalga oshirilayotgan islohotlarga bag‘ishlangan maxsus dastur namoyish etildi, deb xabar bermoqda “Dunyo” AA.
Mamlakatimiz mustaqilligining 35 yilligi arafasida efirga uzatilgan ushbu ko‘rsatuvda malayziyalik professorlar – Badrul Isa va Norfadilah Kamaruddin tomonidan ishlab chiqilgan “O‘zbekiston–Malayziya: kreativ turizm” nomli loyiha taqdim etildi.
Olimlar tashabbusi bilan yaratilgan mazkur loyiha mamlakatimizning Malayziyadagi elchixonasi, Turizm qo‘mitasi va Islom sivilizatsiyasi markazi hamkorligida amalga oshirildi.
Tashabbus O‘zbekistonning turizm imkoniyatlari haqida “Visual storytelling” formatida professional raqamli kontent yaratishni nazarda tutadi.
Loyihaga ko‘ra, 17–31 avgust kunlari Malayziya UiTM texnologiya universitetining professional fotograflari va dizaynerlaridan iborat ijodiy jamoa Toshkent, Samarqand, Buxoro va Xorazmda suratga olish ishlarini olib boradi.
Malayziyalik ijodkorlar yurtimiz haqida tayyorlagan foto va videomateriallar “Instagram”, “Facebook”, “TikTok”, “YouTube” kabi internet platformalarda joylashtirilishi rejalashtirilgan. Loyihada yurtimiz oliy o‘quv yurtlarining dizayn, san’at, turizm va mehmonxona biznesi yo‘nalishidagi talabalari ham ishtirok etadi. Bu akademik, turizm va ijodiy sohalarda tajriba almashishni tashkil etish imkonini beradi.
Dasturda fikr bildirgan Badrul Isa loyiha ASЕAN mamlakatlari va musulmon olamida O‘zbekistonni yanada kengroq tanitishga xizmat qilishini ta’kidladi. Uning fikricha, raqamli platformalar orqali mamlakatimiz tarixiy merosi, ziyorat turizmi va amalga oshirilayotgan so‘nggi o‘zgarishlari keng yoritiladi.
“Biz boy tarixiy meros, yuksak madaniyat va mehmondo‘st xalqqa ega bo‘lgan O‘zbekistonni ASЕAN mintaqasi aholisi tomonidan qayta kashf etilishini istaymiz”, – dedi professor.
Shuningdek, u O‘zbekiston xalqini mustaqillikning 35 yilligi bilan tabriklab, loyiha natijalari ushbu sanaga munosib sovg‘a bo‘lishini qayd etdi.
Ushbu tashabbus O‘zbekistonning ziyorat turizmini ommalashtirish va ASЕAN mamlakatlaridan ko‘proq sayyohlarni jalb qilishga xizmat qilishi kutilmoqda.
O‘zbekiston musulmonlari idorasi Matbuot xizmati
