Xotira abadiy, qadr – muborak (she’r)
Buyuk ajdodlarga makon bu diyor,
Har birin nomidan dilda iftixor,
Baxtiyor avlodlar degay minnatdor,
Xotira abadiy, qadr – muborak.
Mangu olov go‘yo yurakdagi sham,
Kim vatan demishdir, nomi muhtaram,
Xalq mard o‘g‘lonlarin unutmas bir dam,
Xotira abadiy, qadr – muborak.
Xayriyat, o‘tibdir notinch zamonlar,
Bizga yuz ochmishdir yangi bo‘stonlar,
Shu kunga yetmadi, afsus, ne jonlar,
Xotira abadiy, qadr – muborak.
Motamsaro ona poyida bugun,
O‘tmishni yod etib turibmiz beun,
Sharaf, tirik qaytgan otalar uchun,
Xotira abadiy, qadr – muborak.
Davlatim rahbari aylab iltifot,
Katta kichik ko‘nglin ayladi obod,
Nuroniy qalblarda hamdu hasanot,
Xotira abadiy, qadr – muborak.
Abdulahad degay, hur O‘zbekiston,
Istiqlol yo‘lida bo‘lsin tinch, omon,
Barcha vatandoshlar dilida har on,
Xotira abadiy, qadr – muborak.
Abdulahad qori Shahrixoniy
Bo‘z tuman bosh imom xatibi
2017 yil
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin
Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.
Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:
- mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
- faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
- faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
- faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
- bankni faqat islomiy bank faoliyatini amalga oshiruvchi bankka o‘zgartirish.
Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.
Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.
Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.
O‘zbekiston musulmonlari idorasi Matbuot xizmati
