Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448

Jamarot

29.07.2016   27644   1 min.
Jamarot

Minoga kelgach tosh otish boshlanadi. Hayitning 1 – kuni yetti dona tosh otiladi. Toshni Muzdalifadan yo xohlagan boshqa joydan terib olsa bo‘ladi. Tosh hajmi no‘xatdek bo‘ladi. Tosh oldin otilgan bo‘lmasligi kerak. Tosh otish Ibrohim (a.s) dan qolgan bo‘lib, u zot o‘g‘lini qurbonlikka so‘yishga olib ketayotganlarida shayton ig‘vo qilmoqchi bo‘lganda, Ibrohim a.s. uni tosh otib quvgan.

Hayitning 1 – kuni Jamratul aqobada tosh otiladi. U jamratul kubro, jamratul uxro deb ham ataladi. Tosh aqobadan besh gaz uzoqlikdan turib, barmoqlarning uchi bilan otiladi. Har bir tosh “Allohu akbar” deb otiladi. Tosh agar maxsus joyga tushmasa, qayta otish vojib bo‘ladi. Birinchi toshni otgan zahoti “talbiya”ni to‘xtatadi. Tosh otish vaqti subhi sodiqdan, keyingi kunning subhigachadir. Tosh otgan zahoti u yerdan ketish kerak bo‘ladi. Keyingi kun subhigacha otilmasa, jonliq so‘yish vojib bo‘ladi. Kechasi otish makruh. Ammo ayollar, qarilar, kasallar kechasi otgani afzal. Tosh otayotgan joy 2 qavatli bo‘lib, qaysidan otsa ham bo‘laveradi.

Uzrli kishilarni toshini boshqa otsa ham bo‘ladi, faqat avval o‘zinikini otishi shart. Tosh otilgach, ifrod hajni niyat qilgan kishi soch oldiradi. Lekin u agar qurbonlik qilmoqchi bo‘lsa, avval qurbonlik qilib keyin sochini oldiradi. Qiron, Tamattu’dagilar shunday qilishi shart. Endi ehromda man qilingan ishlarning ayollardan boshqasi halol bo‘ladi.

Haj va umra
Boshqa maqolalar
Yangiliklar

Qohirada O‘zbekistonning turizm salohiyati taqdim etildi

15.10.2026   142925   2 min.
Qohirada O‘zbekistonning turizm salohiyati taqdim etildi

Misr poytaxti Qohira shahrida O‘zbekistonning turistik imkoniyatlarini keng targ‘ib qilish, ikki mamlakat o‘rtasidagi hamkorlikni mustahkamlash va misrlik sayyohlarni yurtimizga jalb etishga qaratilgan tadbir bo‘lib o‘tdi.

“Umra Plyus turizmi: O‘zbekiston va Misr o‘rtasida strategik turizm hamkorligi” mavzusidagi tadbir “Umra Plyus” xalqaro turizm assotsiatsiyasi tomonidan O‘zbekiston Respublikasi Turizm qo‘mitasi hamda mamlakatimizning Misrdagi elchixonasi hamkorligida tashkil etildi. Unda Misr hukumati, turoperatorlar, sayyohlik agentliklari va ommaviy axborot vositalari vakillari ishtirok etdi.

Tadbirdan ko‘zlangan asosiy maqsad O‘zbekistonni misrlik sayyohlar uchun nafaqat ziyorat, balki tabiat, qishki dam olish, agroturizm va milliy taomlar bilan bog‘liq sayohatlar yo‘nalishi sifatida ham tanitishdan iborat. Shuningdek, ikki mamlakat turoperatorlari o‘rtasida to‘g‘ridan to‘g‘ri hamkorlikni yo‘lga qo‘yish, qo‘shma turistik mahsulotlar yaratish va sayyohlar oqimini oshirish masalalari muhokama qilindi.

Tadbir doirasida “O‘zbekiston: tog‘lar, qor va ta’mlar” nomli taqdimot o‘tkazildi. Unda misrlik sayyohlar uchun o‘ziga xos bo‘lgan qishki dam olish va chang‘i sporti imkoniyatlari, Zomin milliy bog‘i, Aydar-Arnasoy ko‘llar tizimi, Qashqadaryo va Surxondaryo viloyatlarining boy tabiiy merosi, milliy gastronomiya va hunarmandchilik mahsulotlari namoyish etildi.

Shu bilan birga, O‘zbekistonning oilaviy sayohatlar uchun qulay turistik maskanlari va tashrif buyurishga arziydigan asosiy sayyohlik obyektlari haqida ma’lumot berildi.

Misrlik turoperatorlar e’tiboriga ikkita namunaviy sayyohlik yo‘nalishi ham havola etildi. Xususan, Toshkent, Chimyon–Chorvoq, Farg‘ona vodiysi va Samarqandni qamrab olgan sakkiz kunlik “Tog‘lar, ta’mlar va meros” hamda Amirsoy, Zomin, Aydarko‘l va Samarqand bo‘ylab tashkil etiladigan yetti kunlik “Tabiat va ta’mlar” turlari taqdim qilindi.

Tadbir yakunida misrlik turoperatorlar va jurnalistlar uchun axborot safarlarini tashkil etish, qo‘shma marketing tadbirlarini o‘tkazish, O‘zbekistonning qabul qiluvchi turoperatorlari bilan biznes uchrashuvlarini yo‘lga qo‘yish hamda hamkorlarni arab tilidagi reklama va axborot materiallari bilan ta’minlash taklif etildi.

Shuningdek, Misrdan O‘zbekistonga sayyohlar oqimini oshirish maqsadida Misr Turizm federatsiyasi, “Dahab Grupp”, “Best Kontrol” tashkilotlari hamda “Umra Plyus” xalqaro turizm assotsiatsiyasi o‘rtasida anglashuv memorandumi imzolandi.

O‘zbekiston musulmonlari idorasi Matbuot xizmati

O'zbekiston yangiliklari