Minoga kelgach tosh otish boshlanadi. Hayitning 1 – kuni yetti dona tosh otiladi. Toshni Muzdalifadan yo xohlagan boshqa joydan terib olsa bo‘ladi. Tosh hajmi no‘xatdek bo‘ladi. Tosh oldin otilgan bo‘lmasligi kerak. Tosh otish Ibrohim (a.s) dan qolgan bo‘lib, u zot o‘g‘lini qurbonlikka so‘yishga olib ketayotganlarida shayton ig‘vo qilmoqchi bo‘lganda, Ibrohim a.s. uni tosh otib quvgan.
Hayitning 1 – kuni Jamratul aqobada tosh otiladi. U jamratul kubro, jamratul uxro deb ham ataladi. Tosh aqobadan besh gaz uzoqlikdan turib, barmoqlarning uchi bilan otiladi. Har bir tosh “Allohu akbar” deb otiladi. Tosh agar maxsus joyga tushmasa, qayta otish vojib bo‘ladi. Birinchi toshni otgan zahoti “talbiya”ni to‘xtatadi. Tosh otish vaqti subhi sodiqdan, keyingi kunning subhigachadir. Tosh otgan zahoti u yerdan ketish kerak bo‘ladi. Keyingi kun subhigacha otilmasa, jonliq so‘yish vojib bo‘ladi. Kechasi otish makruh. Ammo ayollar, qarilar, kasallar kechasi otgani afzal. Tosh otayotgan joy 2 qavatli bo‘lib, qaysidan otsa ham bo‘laveradi.
Uzrli kishilarni toshini boshqa otsa ham bo‘ladi, faqat avval o‘zinikini otishi shart. Tosh otilgach, ifrod hajni niyat qilgan kishi soch oldiradi. Lekin u agar qurbonlik qilmoqchi bo‘lsa, avval qurbonlik qilib keyin sochini oldiradi. Qiron, Tamattu’dagilar shunday qilishi shart. Endi ehromda man qilingan ishlarning ayollardan boshqasi halol bo‘ladi.
Bugun Turkiya Respublikasining Anqara ijtimoiy fanlar universiteti Islomshunoslik fakulteti professori, doktor Selchuk Joshqun va dots.nt, doktor Hasan So‘zenman Imom Termiziy xalqaro ilmiy-tadqiqot markaziga tashrif buyurdi.
Mehmonlarni Markaz direktori Muzaffarxon Joniyev kutib olib, ularga Markaz faoliyati va olib borilayotgan ilmiy-tadqiqot ishlari haqida ma’lumot berdi.
Tashrif davomida Imom Termiziy va termiziy allomalari merosiga bag‘ishlangan 80 dan ortiq kitob va risolalar taqdimoti o‘tkazildi.
Ayniqsa, Markaz olimlari tomonidan aniqlangan 226 nafar termiziy allomalar haqidagi ma’lumotlar mehmonlarda katta taassurot qoldirdi.
Uchrashuv yakunida Termiziy allomalarning ilmiy merosini xalqaro miqyosda tadqiq etish, xorijiy olimlar bilan ilmiy hamkorlikni kengaytirish va qo‘shma tadqiqotlarni yo‘lga qo‘yish masalalari kelishib oldilar.
Imom Termiziy XITM Matbuot xizmati