Jamarot
Minoga kelgach tosh otish boshlanadi. Hayitning 1 – kuni yetti dona tosh otiladi. Toshni Muzdalifadan yo xohlagan boshqa joydan terib olsa bo‘ladi. Tosh hajmi no‘xatdek bo‘ladi. Tosh oldin otilgan bo‘lmasligi kerak. Tosh otish Ibrohim (a.s) dan qolgan bo‘lib, u zot o‘g‘lini qurbonlikka so‘yishga olib ketayotganlarida shayton ig‘vo qilmoqchi bo‘lganda, Ibrohim a.s. uni tosh otib quvgan.
Hayitning 1 – kuni Jamratul aqobada tosh otiladi. U jamratul kubro, jamratul uxro deb ham ataladi. Tosh aqobadan besh gaz uzoqlikdan turib, barmoqlarning uchi bilan otiladi. Har bir tosh “Allohu akbar” deb otiladi. Tosh agar maxsus joyga tushmasa, qayta otish vojib bo‘ladi. Birinchi toshni otgan zahoti “talbiya”ni to‘xtatadi. Tosh otish vaqti subhi sodiqdan, keyingi kunning subhigachadir. Tosh otgan zahoti u yerdan ketish kerak bo‘ladi. Keyingi kun subhigacha otilmasa, jonliq so‘yish vojib bo‘ladi. Kechasi otish makruh. Ammo ayollar, qarilar, kasallar kechasi otgani afzal. Tosh otayotgan joy 2 qavatli bo‘lib, qaysidan otsa ham bo‘laveradi.
Uzrli kishilarni toshini boshqa otsa ham bo‘ladi, faqat avval o‘zinikini otishi shart. Tosh otilgach, ifrod hajni niyat qilgan kishi soch oldiradi. Lekin u agar qurbonlik qilmoqchi bo‘lsa, avval qurbonlik qilib keyin sochini oldiradi. Qiron, Tamattu’dagilar shunday qilishi shart. Endi ehromda man qilingan ishlarning ayollardan boshqasi halol bo‘ladi.
Pokistonning mashhur telekanalida O‘zbekiston haqida ko‘rsatuv namoyish etdi
Pokistonning “PTV” telekanalida O‘zbekistonning boy sayyohlik salohiyatiga bag‘ishlangan maxsus dastur namoyish etildi, deb xabar bermoqda “Dunyo” AA.
Ko‘rsatuvda pokistonlik tomoshabinlarga mamlakatimizning betakror tarixiy-madaniy merosi, qadimiy shaharlari, me’moriy obidalari, milliy an’analari hamda zamonaviy sayohat va dam olish imkoniyatlari haqida ma’lumotlar taqdim etildi.
Dasturda boy tarixiy meros va jadal zamonaviy rivojlanishni o‘zida mujassam etgan Samarqand, Buxoro, Xiva va Toshkent shaharlariga alohida e’tibor qaratildi.
Tomoshabinlar ko‘rsatuvda Buyuk Ipak yo‘li tarixida muhim rol o‘ynagan O‘zbekistonning qadimiy shaharlari, arxitektura ansambllari, madaniy meros obyektlari va bugungi kunda ham mamlakatning betakror sayyohlik qiyofasini shakllantirayotgan milliy hunarmandchilik an’analari haqida ma’lumotga ega bo‘ldilar.
Alohida lavhalar O‘zbekistonning tabiiy-iqlim imkoniyatlari, ziyorat, madaniy-tarixiy va rekreatsion turizmni rivojlantirishga bag‘ishlandi. Turistik mahsulotlarning xilma-xilligi va sayohatchilar uchun yaratilayotgan qulay sharoitlar mamlakatning turli davlatlardan tashrif buyuruvchilar uchun jozibadorligini oshirishga xizmat qilayotgani ta’kidlandi.
Ko‘rsatuv davomida O‘zbekiston milliy taomlari, o‘zbek xalqining mehmondo‘stligi va boy madaniy an’analari respublikamizni sayyohlik yo‘nalishi sifatida ommalashtirishga xizmat qiluvchi muhim omillar ekani qayd etildi.
Dasturning ko‘p millionli auditoriyaga ega “PTV” telekanalida efirga uzatilishi O‘zbekistonning turizm salohiyatini Pokistonda targ‘ib qilish va turistlarning e’tiborini mamlakatimiz bo‘ylab sayohat qilishga jalb etishda yana bir muhim qadam bo‘ldi.
O‘zbekiston musulmonlari idorasi Matbuot xizmati
