Safarni boshlashda o‘qiladigan duo
Safarga otlanayotgan kishi uyidan chiqayotgan paytda quyida keltirilgan duoni o‘qisa, omonda bo‘ladi, inshaalloh.
بِسْمِ اللهِ تَوَكَّلْتُ عَلَى اللهِ ، لا حَوْلَ وَلا قُوَّةَ إِلا بِاللهِ .
“Bismillaahi tavakkaltu alallohi, laa havla va laa quvvata illaa billah” (Sunani Termiziy).
Ma’nosi: Allohning nomi bilan (safarni boshlayman), Allohga tavakkal qildim. Toatga quvvat va gunohdan saqlanishga bo‘lgan quvvat ham yolg‘iz Alloh taolodandir.
اللَّهُمَّ بِكَ أَصُولُ وَبِكَ أَحُولُ وَبِكَ أَسِيرُ
“Allohumma, bika asuulu va bika ahuulu va bika asiiru” (Musnadi Ahmad).
Ma’nosi: Yo Alloh! Sening madading bilan himmatlanaman, Sening madading bilan gunohdan tiyilaman, Sening madading bilan safarga chiqaman.
Har bir xonadonga bayram shukuhi kirib bormoqda
O‘zbekiston Respublikasi mustaqilligining 35 yilligi munosabati bilan vohamiz aholining ijtimoiy ko‘makka muhtoj qatlamlarini qo‘llab-quvvatlash, ularning ko‘ngliga quvonch ulashishga qaratilgan xayrli ishlar davom etmoqda.
Bugun, O‘MI Qashqadaryo viloyati vakili, viloyat bosh imom-xatibi Rahmatillo domla Usmonov boshchiliklarida homiylar jalb etilgan holda mahalla hududidagi xonadonlarga tashrif buyurib, xonadon ahillari bilan samimiy suhbatlar o‘tkazildi. Ularni qo‘llab-quvvatlash maqsadida sovg‘a-salomlar va xayr-ehson qutilari tarqatildi.
Bunday xayrli tashabbuslar xalqimizga xos mehr-oqibat, saxovat va insonparvarlik fazilatlarining amaliy ifodasi bo‘lib, ehtiyojmand oilalarga ma’naviy dalda va ko‘mak berishda muhim ahamiyat kasb etmoqda.
Yurtimizda tinchlik-osoyishtalik, xonadonlarimizda fayzu baraka bardavom bo‘lsin!
O‘MI Qashqadaryo viloyati vakilligi
Matbuot xizmati
