O‘zbekiston musulmonlari idorasi raisi o‘rinbosari Zayniddin domla Eshonqulov va Farg‘ona viloyati bosh imom-xatibi Ubaydulloh domla Abdullayev Marg‘ilon shahrida aholi orasida ijtimoiy-ma’naviy muhitni sog‘lomlashtirish maqsadida uchrashuv o‘tkazildi.
Zayniddin domla diniy-ma’rifiy sohadagi yangiliklardan boxabar etish barobarida Haq taolo bergan ne’matlar shukrini ado etish, buyuk ajdodlarimizga munosib bo‘lish, ilm-ma’rifat va kasb-hunar o‘rganishga haris bo‘lish singari mavzularda mav’iza qilib berdi. Shuningdek, suhbatda dinimizni ishonchli ustoz va sahih manbalardan o‘rganish, har ishda mo‘tadil bo‘lish lozimligi borasida so‘zlab, gunoh ish va jaholatdan saqlanish, xayrli amallarda bardavom bo‘lishga chaqirdi.
Ishtirokchilar yakunda ulamolarga o‘z minnatdorliklarini izhor etdilar.
O‘zbekiston musulmonlari idorasi Matbuot xizmati
Otam menga o‘rgatgan uchta ishni hech qachon unutmayman. Sizlarga ham ular haqida aytib bergim keldi.
Birinchisi, otam mening qo‘limdan tutib, yozishni o‘rgatardi. Men o‘qish va yozishni otamdan o‘rgandim. Hayotim mobaynida nimaiki yaxshi narsa o‘qisam, yozsam, uning savobidan otamga ham nasiba borib turadi, inshoalloh.
Ikkinchisi, otam tirnoqlarimni olib qo‘yar, menga bu ishning ahamiyati, tirnoq ostidagi mikroblarning zarari, xususan, ovqat paytidagi ziyoni haqida gapirib berardi. Biroz kattaroq bo‘lganimda tirnog‘imni o‘zim olishimni o‘rgatdi. Har tirnoq olganimda shularni eslab, haqiga duo qilib qo‘yaman.
Uchinchisi, otam nonushta qilmay uydan chiqishimga yo‘l qo‘ymasdi. Sog‘lom bo‘lishda ertalabki nonushtaning ahamiyatini keyin bilib oldim. Har nonushta qilganimda ham otamning haqqiga duo qilaman.
Ma’ruzalarimdan birida yig‘ilganlardan: «Farzandlaringizga har kuni qo‘llaydigan uchta ajoyib odatingiz bormi?» deb so‘radim. Bir ota dedi: «Ishga ketishimdan oldin ularni o‘pib qo‘yaman, asr namozini o‘qib bo‘lgach, ularing har biri uchun duo qilaman, uyquga yotishlaridan oldin ularni bag‘rimga bosaman».
Siz ham o‘zingizdan so‘rab ko‘ring-chi, otangiz yoki onangiz siz uchun bajaradigan uchta eng yaxshi ishni eslay olasizmi? Yoki o‘zingiz bolangizga uchta yaxshi odatni o‘rgatyapsizmi?..
Abdulloh Muhammad Abdulmu’tiyning
"FARZAND TARBIYASIDA 700 SABOQ" kitobidan