Sayt test holatida ishlamoqda!
17 Noyabr, 2026   |   7 Jumadul soni, 1448

Toshkent shahri
Tong
05:51
Quyosh
07:08
Peshin
12:13
Asr
15:21
Shom
17:05
Xufton
18:21
Bismillah
17 Noyabr, 2026, 7 Jumadul soni, 1448
Maqolalar

Ota–onani ulug‘lash

31.07.2024   12969   2 min.
Ota–onani ulug‘lash

Islom dini odamlarning doimo bir-birlariga yaxshilik qilishga amr qiladi. Jumladan, shu go‘zal dunyoga kelishiga sababchi bo‘lgan ota-onasiga yaxshlik qilish lozimligini tushuntirgan. Ota-ona har bir inson uchun juda mo‘tabar, e’zozli ulug‘ kishilardir. Ota-ona kim bo‘lishidan qat’i nazar, ularni hurmat-ehtirom bilan ularga yaxshilik qilish har bir farzand uchun zarur bo‘lgan vazifalardandir. Alloh taolo Qur’oni karimda ota onasiga yaxshilik qilishga amr qilib bunday deydi: “Biz insonni ota-onasiga yaxshilik qilishga buyurdik...” (Ankabut, 8).

Payg‘ambarimiz sollallohu alayhi va sallam shunday marhamat qilganlar: «Allohning roziligi ota-onaning roziligi va Allohning g‘azabida ota-onaning g‘azabidadir» (Abu Dovud rivoyati).

Shuningdek, kimki Alloh taoloni rozi etaman desa, ota-onasini rozi qilishga harakat qilsin. Chunki ota-ona farzandi uchun qilgan duolari maqbul bo‘ladi. Payg‘ambarimiz sollallohu alayhi va sallam marhamat qiladilarki: “Uch duo darhol qabul bo‘ladi. Ularda hech qanday shak-shubha yo‘qdir. Mazlumning duosi, musofirning duosi va ota-onaning farzandlarini koyib qilgan duosi”  (Buxoriy rivoyati).

Bir kishi Payg‘ambarimiz sollallohu alayhi vasallamning huzurlariga kelib: “Ey, Rasululloh sollallohu alayhi vasallam! Sizning huzuringizga hijrat qilish va jihod qilishga bay’at qilish uchun keldim”, – dedi. Shunda Payg‘ambarimiz sollallohu alayhi vasallam: “Ota-onangdan birortasi hayotmi?”, – deb so‘radilar. U: “Ha, ikkisi ham hayotlar”, – dedi. Payg‘ambarimiz sollallohu alayhi vasallam: “Allohdan ajr olishni istaysanmi?” – dedilar. U kishi: “Ha”, – dedi. Payg‘ambarimiz sollallohu alayhi vasallam: “Ota-onang huzuriga qaytib bor, keyin ular bilan birga bo‘lib, yaxshilik qil”, – dedilar. 

Bu hadisdan bizga ma’lum bo‘ladiki, bizning hayoti dunyoga kelishimizga sababchi bo‘lgan ota-onalarimizni hurmat-izzitini joyiga qo‘yib, ularga xizmat qilib duolarini olishimiz kerak ekan. Chunki, ota-onaning xizmati barcha ezgu amallardan, qolaversa, o‘zi o‘nib o‘sgan diyoridan boshqa joyga mol-dunyo va ahli-oilasini tashlab hijrat qilishdek, hamda mushriklar tamonidan ezilyotgan mo‘minlarga yordam berish savobidan ko‘ra sharafli amal ekanligi ko‘rinib turibdi.   Alloh barchalarimizniing dunyoga kelishimizga sababchi bo‘lgan ota-onalarimizni o‘tganlarini Alloh rahmat qilsin va borlarini salomat qilsin. 
Manbalar asosida tayyorlandi.


Qodirxon Azizov,
 Kosonsoy tuman bosh imom xatibi.

Maqolalar
Boshqa maqolalar
Yangiliklar

O‘mon Sultonligida nufuzli xalqaro forum bo‘lib o‘tdi

17.11.2026   4365   2 min.
O‘mon Sultonligida nufuzli xalqaro forum bo‘lib o‘tdi

O‘mon Sultonligining Masqat shahridagi "Hilton Muscat Al Bandar" majmuasida xalqaro forum bo‘lib o‘tdi. Shu yilning 15-16 noyabr kunlari o‘tkazilgan ushbu nufuzli anjumanda O‘zbekiston musulmonlari idorasi raisining birinchi o‘rinbosari Homidjon domla Ishmatbekov ham ishtirok etdi.

Mazkur xalqaro forum Birlashgan Millatlar Tashkilotining Genotsidning oldini olish va himoya qilish mas’uliyati bo‘yicha boshqarmasi (UNOSAPG), O‘mon Sultonligi Vaqf va diniy ishlar hamda Tashqi ishlar vazirliklari, shuningdek, "Din va an’anaviy tinchlikparvarlar tarmog‘i" (The Network for Religious and Traditional Peacemakers) hamkorligida tashkil etildi.

Tadbirning asosiy maqsadi kamsitish va zo‘ravonlikning oldini olish, shuningdek, o‘zaro muloqot, bag‘rikenglik va tinch-totuvlikni keng targ‘ib qilishda amaliy yondashuvlarni ishlab chiqishdan iborat bo‘ldi.

E’tiborlisi, forumning asosiy tadbirlari Birlashgan Millatlar Tashkilotining Xalqaro bag‘rikenglik kuniga (16 noyabr) to‘g‘ri kelgani o‘zaro hurmat va tinch-totuv yashash qadriyatlarini mustahkamlash uchun muhim maydon vazifasini o‘tadi.

Xalqaro tadbirda dunyoning turli davlatlaridan kelgan taniqli ulamolar, diniy va an’anaviy yetakchilar, hukumat vakillari, BMT va boshqa yirik xalqaro tashkilotlar mutasaddilari jam bo‘ldi. Forum dasturi doirasida muhim sessiyalar bo‘lib o‘tib, tinchlik va xavfsizlikni ta’minlashda xalqaro hamkorlik mexanizmlari hamda bag‘rikenglikni ilgari surishda diniy yetakchilar va ommaviy axborot vositalarining o‘rni kabi mavzularda yuqori darajadagi muhokamalar olib borildi.

 Shuningdek, xalqaro tadbir doirasida yurtimiz vakillari dunyoning qator davlatlaridan tashrif buyurgan nufuzli ulamolar, diniy yetakchilar va soha mutaxassislari bilan uchrashuvlar o‘tkazdilar. Samimiy ruhda kechgan muloqotlar davomida diniy-ma’rifiy sohani rivojlantirish, sof Islom ma’rifatini keng yoyish hamda bugungi kunning dolzarb masalalari yechimi bo‘yicha o‘zaro tajriba almashildi.

O‘zbekiston vakillarining bunday nufuzli xalqaro anjumanlardagi ishtiroki yurtimizda olib borilayotgan diniy-ma’rifiy sohadagi islohotlar, dinlararo bag‘rikenglik va tinchliksevarlik tamoyillarini jahon hamjamiyatiga yetkazishda muhim ahamiyat kasb etadi.

O‘zbekiston musulmonlari idorasi Matbuot xizmati

O'zbekiston yangiliklari