Kecha, 30 iyul kuni, Din ishlari bo‘yicha qo‘mitada Oliy Majlis Senati Raisi Tanzila Narbayeva ishtirokida tadbir bo‘lib o‘tdi.
Yig‘ilishda Prezident maslahatchisi Muzaffar Kamilov, Din ishlari bo‘yicha qomita raisi Sodiq Toshboyev, diniy-ma’rifiy soha tashkilot rahbarlari hamda qo‘mita xodimlari ishtirok etdi.
Narbayeva tomonidan, so‘nggi yillarda diniy-ma’rifiy sohada yurtimizda amalga oshirilayotgan islohotlar, soha vakillariga yaratib berilayotgan shart-sharoitlar hamda amalga oshirilishi lozim bo‘lgan ustuvor vazifalarga batafsil to‘xtalib o‘tildi.
Shundan so‘ng, tashkiliy masala ko‘rib chiqildi.
Prezident maslahatchisi Muzaffar Kamilov tomonidan Din ishlari bo‘yicha qo‘mita raisi o‘rinbosari sifatida faoliyat ko‘rsatib kelgan G‘ulomovani boshqa ishga o‘tishi munosabati bilan lavozimdan ozod qilish to‘g‘risidagi hamda Matluba Kahhorovani Din ishlari bo‘yicha qo‘mita raisi o‘rinbosari etib tayinlash to‘g‘risidagi O‘zbekiston Respublikasi Prezidentining Qarori o‘qib eshittirildi.
Tadbir yakunida Dilbar G‘ulomovaga Qo‘mita raisining tashakkurnomasi va esdalik sovg‘alari topshirildi.
Din ishlari bo‘yicha qo‘mita Axborot xizmati
Mustaqillik — bu birlik, hamjihatlik va bir-birimizga qo‘l uzatish kunidir. Farg‘ona viloyatida bu ruh so‘z bilan emas, amal bilan namoyish etilmoqda: 35 yillik istiqlol arafasida yuzlab insonlar mehr va saxovat bag‘rida bayramga kirmoqda.
Alisher domla Naimov tashabbusi bilan Quvasoy shahrida o‘tkazilgan xayriya tadbirida 33 ta xonadonga oziq-ovqat mahsulotlari, 43 nafar bolajonga esa o‘quv qurollari va kiyim-kechaklar tantanali ravishda topshirildi. Tadbirda viloyat bosh imom-xatibi Ubaydulloh domla Abdullayev ham ishtirok etdi.
Tadbirning yakunida yurt rivoji, xalq farovonligi va mustaqilligimizning bardavom bo‘lishi uchun birgalikda duo qilindi.
Farg‘ona viloyati vakilligi Matbuot xizmati