Otinoyilar uchun o‘quv-seminar o‘tkazildi
Mingbuloq tumanining markaziy masjidida tumanda faoliyat yuritayotgan otinoyilar uchun navbatdagi o‘quv-seminar o‘tkazildi. Unda viloyat bosh imom-xatibi ushbu o‘quv-seminar ishi bilan yaqindan tanishib, o‘zini ko‘rsatmalarini berdi.
O‘quv-seminarda otinoyilarning funksional vazifalarini, ilmiy salohiyatlarini oshirish, islom ta’limotida nikoh munosabatlari, o‘zaro tenglik va majburiyat, oila muqaddasligi, jamiyat va oilada ayollarning huquq va burchlari, er-xotin, qaynona-kelin munosabatlari kabi qadriyatlarimizni asrash bugungi kunning muhim vazifalaridan ekanini aytib o‘tildi.
Ushbu o‘quv-seminar muntazam olib borilishini yana bir bor ta’kidlandi.
O‘zbekiston musulmonlari idorasi
Namangan viloyati vakilligi
Matbuot xizmati
Buxoroda Qur’on musobaqasi o‘tkazildi
O‘zbekiston Respublikasi Davlat mustaqilligining 35 yilligi munosabati bilan Buxoro viloyatida faoliyat olib borayotgan imom-xatib va imom-noiblar o‘rtasida “Qur’on tinchlikka buyuradi” shiori ostida Qur’on musobaqasi o‘tkazildi.
Ochilish marosimida Buxoro viloyati bosh imom-xatibi Jobir domla Elov so‘zga chiqib, mazkur ma’rifiy tadbirning ahamiyati haqida so‘zlab, ishtirokchilarga muvaffaqiyat tiladi.
Musobaqani o‘tkazishdan ko‘zlangan maqsad diniy soha xodimlarining Qur’oni karim bo‘yicha bilim va mahoratini yanada oshirish, ular o‘rtasida o‘zaro hamjihatlik muhitini shakllantirishdir.
Bellashuvda viloyatning tuman va shaharlarida faoliyat yuritayotgan 10 nafar imom-xatib va imom-noib ishtirok etib, Qur’oni karimni o‘qish va yoddan bilish borasidagi bilim va mahoratini namoyish etishdi.
Birinchi o‘ringa Peshku tumani “Chiqirchi” jome masjidi imom-noibi Afzal Shavkatov sazovor bo‘ldi. Ikkinchi o‘rin Buxoro shahridagi “Volidi Abdulazizxon” jome masjidi imom-noibi Abduvohid Akramovga, uchinchi o‘rin Jondor tumani “Raboto‘g‘lon” jome masjidi imom-xatibi Shuhrat Sherovga nasib etdi.
G‘oliblarga diplom va qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
