O‘zbekiston musulmonlari idorasi tomonidan aholi bilan samimiy muloqotlar yo‘lga qo‘yilgani ko‘plab muammolarni hal etishda muhim omil bo‘lmoqda. Ayniqsa, fuqarolar qabuli davomida har bir murojaat e’tiborga olinib, o‘z yechimini topayotgani quvonarli hol.
Bugun, 21 avgust kuni O‘zbekiston musulmonlari idorasi raisining birinchi o‘rinbosari Homidjon domla Ishmatbekov fuqarolarni qabul qilib, murojaat, arz va takliflarini eshitdi.
Qabul chog‘ida ular tomonidan ko‘tarilgan masjidlar holati, imom-xatib faoliyati, oilaviy masalalar, diniy ta’lim hamda moddiy yordam olish singari masalalarning aksariyati ijobiy hal etildi.
Jumladan, oilaviy munosabatlarda kelganlarga muammolar yechimi bo‘yicha maslahatlar, shar’iy masalalar yechimi yuzasidan tavsiyalar va moddiy yordam so‘raganlarga belgilangan tartibda ko‘mak berildi.
Mana shunday samimiy qabul va g‘amxo‘rlikdan mamnun bo‘lgan fuqarolar O‘zbekiston musulmonlari idorasi rahbariyati tomonidan ko‘rsatilgan e’tibordan ko‘ngillari shod bo‘lishib, xayrli duolar qilishdi.
Bu kabi qabul jarayonlari O‘zbekiston musulmonlari idorasining hududlardagi vakilliklari va barcha jome masjidlarida ham haftaning har chorshanba kuni imom-domlalar tomonidan amalga oshirilmoqda.
O‘zbekiston musulmonlari idorasi Matbuot xizmati
Ayni qish-qirovli kunlarda "Vaqf" xayriya jamoat fondining Farg‘ona viloyati filiali tomonidan homiylarni jalb qilgan holda ko‘plab xayriya tadbirlari tashkil etilmoqda. Xususan, fond xodimlari g‘ayratli volontyorlar bilan birga ijtimoiy himoyaga muhtoj 100 ta oilalaga himmatli xalqimiz ehson qilgan ko‘mir, oziq-ovqat mahsulotlari va boshqa uy-ro‘zg‘orga zarur buyumlarni xonadonlariga yetkazishdi.
Alloh taolo saxovatli xalqimiz va muqarrab duogo‘ylarimizdan rozi bo‘lsin!
Vaqf.uz