Ulug‘ bayram arafasida otinoyilar ma’rifiy tadbir o‘tkazdi
Vatanimiz mustaqilligining 33 yilligi munosabati bilan Buxoro viloyatida faoliyat olib borayotgan otinoyilar ishtirokida “Milliyligim aks etgan o‘zligim” mavzusida tadbir bo‘lib o‘tdi.
Anjumanda otinoyilar “Mustaqillik ulug‘ tuhfa”, "O‘zligimiz aks etgan libos", “Ajdodlar merosi” kabi mavzularda chiqishlar qilishdi.
Ma’naviy-ma’rifiy tadbirda Buxoro viloyat hokimligi, Din ishlari bo‘yicha qo‘mitaning viloyat boshqarmasi, O‘zbekiston musulmonlari idorasi Buxoro viloyati vakilligi va keng jamoatchilik vakillari ishtirok etdi.
O‘MI Buxoro viloyati vakilligi
Matbuot xizmati
HAMDARDLIK
O‘zbekiston musulmonlari idorasi jamoasi Surxondaryo viloyati vakilligida muxtasib vazifasida ko‘p yillar fidokorona faoliyat yuritib, viloyatdagi masjidlar va ziyoratgohlar obodligiga, diniy-ma’rifiy ishlar rivojiga ulkan hissa qo‘shgan xodim Abduvohid Majitovning vafoti munosabati bilan marhumning oila a’zolari va yaqinlariga ta’ziya bildiradi.
Abduvohid Majitov umrining oxirgi kunlariga qadar Termiz shahridagi "Sulton Saodat" majmuasida diniy xodim sifatida elga xizmat qilib keldi.
Alloh taolo marhumning barcha solih amallari, din yo‘lidagi xayrli xizmatlarini husni qabul aylab, oxiratini obod, jannatdagi darajalarini yuksak qilsin. Barcha yaqinlari va oila a’zolariga go‘zal sabr, ajru mukofotlar ato etsin.
Inna lillahi va inna ilayhi roji’un.
O‘zbekiston musulmonlari idorasi
