Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
2026 yil 28 oktyabr kuni Qashqadaryo viloyatida imom-xatiblar, imom-noiblar hamda otinoyilar ishtirokida yig‘ilish bo‘lib o‘tdi. Yig‘ilishni O‘zbekiston musulmonlari idorasining Qashqadaryo viloyatidagi vakili, viloyat bosh imom-xatibi olib bordi. Unda O‘zbekiston musulmonlari idorasi Kadrlar bo‘limi boshlig‘i Salohiddin Sherxonov hamda Ichki nazorat bo‘limi boshlig‘i Akbar Do‘smatov ishtirok etdi.
Yig‘ilish davomida diniy soha vakillari faoliyatida ijro intizomiga qat’iy rioya etish, belgilangan vazifalarni o‘z vaqtida va sifatli bajarish, amalga oshirilayotgan ishlarning samaradorligini yanada oshirish masalalariga alohida e’tibor qaratildi. Shuningdek, fuqarolarning murojaatlari bilan ishlash tizimini takomillashtirish, har bir murojaatga mas’uliyat va e’tibor bilan yondashish, aholi bilan muloqotni kuchaytirish muhim vazifalardan ekani ta’kidlandi.
Yig‘ilishda imom-xatiblar, imom-noiblar va otinoyilar o‘z faoliyati davomida aholiga yanada yaqin bo‘lishi, mahallalarda ma’naviy-ma’rifiy ishlar samaradorligini oshirishi, oilalarda sog‘lom ma’naviy muhitni mustahkamlashga hissa qo‘shishi, yoshlar tarbiyasiga alohida e’tibor qaratishi hamda jamoatchilik bilan hamkorlikni kuchaytirishi lozimligi qayd etildi. Shu bilan birga, diniy soha xodimlaridan xizmat vazifalariga mas’uliyat bilan yondashish, odob-axloq qoidalariga rioya etish, aholi o‘rtasida bag‘rikenglik, hamjihatlik va ma’naviy qadriyatlarni targ‘ib qilish borasidagi ishlarni izchil davom ettirish so‘raldi.
Yig‘ilish yakunida belgilangan vazifalar ijrosini ta’minlash, ijro intizomini mustahkamlash, murojaatlar bilan ishlashda mas’uliyatni oshirish hamda diniy soha vakillari faoliyati samaradorligini yanada yuksaltirish yuzasidan tegishli vazifalar belgilab olindi.
O‘MI Qashqadaryo viloyati vakilligi
Matbuot xizmati