Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
Bugun, 27 oktyabr kuni Din ishlari bo‘yicha qo‘mita huzuridagi Diniy-ma’rifiy sohada malaka oshirish va qayta tayyorlash instituti hamda O‘zbekiston musulmonlari idorasi "Qur’oni karim va tajvidni o‘rgatish" bo‘limi hamkorligida Diniy ta’lim muassasasi pedagog kadrlari, imom-xatib va imom noiblar uchun "Qur’on va tajvid ilmi" mavzusida binar dars tashkil etildi.
Darsda "Qur’oni karim va tajvidni o‘rgatish" bo‘limi boshlig‘i Shayx Ali Fayzulloh Maxdum dinimizda vaqt va undan unumli foydalanishning ahamiyati haqida ma’ruza qildi.
O‘zbekiston musulmonlari idorasi Matbuot xizmati