Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
«Dorul hadis Avvomiyya» ilmiy-tadqiqot markazi tomonidan Hadis ilmi maktabiga hadis ilmi va islomiy ilmlarning turli sohalariga oid bir qancha kitoblar hadya qilindi.
Mazkur kitoblar orasida zamonamizning taniqli muhaddis olimlaridan Shayx Muhammad Avvoma, doktor Muhyiddin Avvoma hamda boshqa yetuk ulamolarning ilmiy asarlari o‘rin olgan.
Taqdim etilgan adabiyotlar hadis va hadis ilmlari, mustalahul hadis, aqoid, turli adashgan oqim va toifalarning qarashlariga ilmiy raddiyalar hamda boshqa diniy ilmlarga oid asarlarni o‘z ichiga oladi. Ushbu kitoblar ahli sunna val jamoa aqidasi va hanafiy mazhabi ilmiy an’analariga muvofiqligi bilan alohida ahamiyat kasb etadi.
Shuningdek, institut o‘qituvchilari tomonidan nashr etilgan kitoblardan ham kutubxonaga taqdim etildi.
Mazkur ilmiy tuhfa Hadis ilmi maktabining kitob fondini boyitish, professor-o‘qituvchilar va talabalarning ilmiy izlanishlarini qo‘llab-quvvatlash, shuningdek, hadisshunoslik va islomiy ilmlar bo‘yicha tadqiqotlar ko‘lamini kengaytirishga xizmat qiladi.
Hadis ilmi maktabi jamoasi ushbu ilmiy hadya uchun «Dorul hadis Avvomiyya» ilmiy-tadqiqot markazi rahbariyati va xodimlariga samimiy minnatdorlik bildiradi.
O‘zbekiston musulmonlari idorasi Matbuot xizmati