Sayt test holatida ishlamoqda!
21 Noyabr, 2026   |   11 Jumadul soni, 1448

Toshkent shahri
Tong
05:55
Quyosh
07:13
Peshin
12:14
Asr
15:18
Shom
17:02
Xufton
18:18
Bismillah
21 Noyabr, 2026, 11 Jumadul soni, 1448

Agar...

29.08.2024   9237   1 min.
Agar...

Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.

Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.

Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘  payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.

Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...

Doktor Ahmad Iso Ma’soraviy

Boshqa maqolalar

O‘zbekiston delegatsiyasi IHT Tashqi ishlar vazirlari kengashining 52-sessiyasida ishtirok etdi

20.10.2026   130873   1 min.
O‘zbekiston delegatsiyasi IHT Tashqi ishlar vazirlari kengashining 52-sessiyasida ishtirok etdi

Tashqi ishlar vazirining birinchi o‘rinbosari Bahromjon A’loyev boshchiligidagi O‘zbekiston delegatsiyasi 17–18 oktyabr kunlari Bag‘dod shahrida bo‘lib o‘tgan Islom hamkorlik tashkiloti (IHT) Tashqi ishlar vazirlari kengashining 52-sessiyasida ishtirok etdi, deb xabar bermoqda “Dunyo” AA muxbiri.

Uchrashuvda xalqaro va mintaqaviy ahamiyatga molik dolzarb masalalar, jumladan, tinchlik va xavfsizlikni ta’minlash, mojarolarni hal etish, terrorizmga qarshi kurashish va Tashkilotga a’zo davlatlar o‘rtasidagi hamkorlikni mustahkamlash masalalari ko‘rib chiqildi.

Bahromjon A’loyev nutqida islom dunyosining muloqoti va birdamligini mustahkamlash, mojarolarni faqat siyosiy-diplomatik vositalar, muloqot va muzokaralar orqali tinch yo‘l bilan hal etish muhimligini ta’kidladi. U O‘zbekistonning Falastin masalasi bo‘yicha prinsipial pozitsiyasini bayon qildi hamda Afg‘onistonning ijtimoiy-iqtisodiy tiklanishi va uning mintaqaviy integratsiyasiga ko‘maklashish zarurligini ta’kidladi.

Ma’rifiy islomni targ‘ib qilish, ilmiy-madaniy hamkorlikni rivojlantirish, mintaqaviy ishonch va yaxshi qo‘shnichilikni mustahkamlashda Markaziy Osiyo tajribasidan foydalanishga alohida e’tibor qaratildi.

Sessiya doirasida IHTga a’zo davlatlar vakillari bilan qator ikki tomonlama uchrashuvlar o‘tkazilib, siyosiy muloqot, savdo-iqtisodiy hamkorlik va xalqaro tashkilotlar doirasidagi hamkorlikni kengaytirish istiqbollari muhokama qilindi.

O‘zbekiston musulmonlari idorasi Matbuot xizmati

O'zbekiston yangiliklari