Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
18 oktyabr kuni Bag‘dodda Islom hamkorlik tashkiloti Tashqi ishlar vazirlari kengashining 52-sessiyasi doirasida O‘zbekiston tashqi ishlar vazirining birinchi o‘rinbosari Bahromjon A’loyev IHT bosh kotibi Ismoil Uld Shayx Ahmad bilan uchrashdi, deb xabar bermoqda “Dunyo” AA muxbiri.
TIV ma’lumotiga ko‘ra, uchrashuv davomida O‘zbekiston va IHT o‘rtasidagi hamkorlikning dolzarb masalalari, tashkilot doirasida o‘zaro aloqalarni yanada mustahkamlash hamda qo‘shma tashabbuslarni ilgari surish istiqbollari muhokama qilindi.
Mintaqaviy va xalqaro kun tartibidagi dolzarb masalalar hamda ko‘p tomonlama hamkorlikning ustuvor yo‘nalishlari yuzasidan fikr almashildi.
O‘zbekiston musulmonlari idorasi Matbuot xizmati