Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

Agar...

29.08.2024   9284   1 min.
Agar...

Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.

Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.

Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘  payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.

Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...

Doktor Ahmad Iso Ma’soraviy

Boshqa maqolalar

O‘zbekiston delegatsiyasi Afg‘onistondagi tarixiy-madaniy meros obyektlarini o‘rgandi

15.10.2026   165443   1 min.
O‘zbekiston delegatsiyasi Afg‘onistondagi tarixiy-madaniy meros obyektlarini o‘rgandi

O‘zbekiston Madaniy meros agentligi direktori o‘rinbosari Azizjon Aripjonov boshchiligidagi delegatsiyaning Afg‘onistonga xizmat safari amalga oshirildi, deb xabar bermoqda “Dunyo” AA.

Delegatsiya vakillari tashrif davomida Afg‘onistondagi buyuk o‘zbek allomalari va mutafakkirlarining maqbaralari, tarixiy-madaniy obidalarini o‘rgandi, ularni saqlash va qayta tiklash bo‘yicha afg‘on tomoni bilan fikr-mulohaza almashdi.

Vakillarimiz Balx, Taxor, Sari-Pul va Faryob viloyatlaridagi tarixiy va madaniy meros obidalari hamda ularning bugungi kundagi holati bilan yaqindan tanishdi, yodgorliklar bo‘yicha kerakli ma’lumotlarni to‘pladi.

Mehmonlar Mazori Sharifdagi Ravzai muborak maqbarasi, Taxor viloyati Ishkamish uyezdidagi Bobo Rahim Mashrab ziyoratgohi, Sari-Pul shahridagi g‘ishtdan qurilgan tarixiy ko‘prik, Xisht pul va Eidgoh masjidlarini ko‘zdan kechirdi. Shuningdek, Imomzoda Yahyo maqbarasi, Faryob viloyati Andxoy uyezdidagi Bobo Vali Jon madrasa majmuasi, Alisher Navoiy tomonidan xayriya usulida qurilgan Bobo Vali hovuzi va Mirsaid Baraka me’moriy obidasi bilan tanishdi.

Afg‘onistonning madaniyat sohasi vakillari bilan uchrashuvlarda madaniy meros obidalarini qayta tiklash bo‘yicha O‘zbekistonda katta tajriba va yetuk mutaxassislar mavjudligi ta’kidlandi. Mamlakat hududidagi tarixiy obidalarni kelajak avlodlarga asl holida yetkazish borasida hamkorlik loyihalarini amalga oshirish bo‘yicha fikr almashildi.

O‘zbek va afg‘on xalqlarini asrlar davomida mustahkam tarixiy, madaniy va diniy rishtalar bog‘lab turishi, ikki xalq Markaziy Osiyo va Xuroson mintaqasida yonma-yon yashab, umumiy tarix, madaniyat va qadriyatlarni shakllantirgani ta’kidlandi. Shuningdek, Afg‘onistondagi boy madaniy meros obidalarida o‘zbek xalqining munosib hissasi borligi e’tirof qilindi.

Afg‘onistondagi tarixiy-madaniy meros obyektlari bo‘yicha ma’lumotlar yig‘ilib, tahlil qilinib, obidalarni asrab-avaylash hamda qayta tiklash bo‘yicha o‘zaro Anglashuv memorandumi imzolanishi rejalashtirildi.

O‘zbekiston musulmonlari idorasi matbuot xizmati